.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 14 дэх өдрийн /2023.03.25/ барилдааны тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, өнөөдөр Хирадоүми /М-9/-тэй учраа тааран барилдан түүнийг сүкүинаге мэхээр давснаар 8 даваа, 6 унаатай болж, 50 хувийн амжилтаа хийгээд байна.
Миторюү М.Төрболд /М-17/ энэ өдөр Шонанноүми /Жүрёо-3/-той барилдаж түүнд окуридаши мэхээр унаж 7 даваа, 7 унаатай боллоо.
Азүмарюү С.Тодбилэг, энэ өдөр Ура /М-8/-тай таарч барилдан, түүнд ошидаши мэхээр унаснаар 3 даваа 11 унаатай амжилт тааруухан явж байна.
Чиёошома Г.Мөнхсайхан /М-16/, Хокүтофүжи /М-7/-тай учраа таарч хүч үзэн түүнийг ёритаоши мэхээр хаяж 9 даваа, 5 унаатай энэ башёг амжилттай үргэлжлүүлж байна.
Энэ өдөр Жүрёод барилдаж байгаа Ичиножёо А.Ичинноров/Жүрёо-3/ Макүүчид дэвшиж энэ барилдааны эхний барилдааныг Бүшозан /М-14/-тай хийж, түүнийг уватэнаге мэхээр давснаар 12 даваа, 1 унаатай боллоо.
Мэргэжлийн сумо бөхийн хаврын тэмцээний 14 дэх өдөр /2023.03.23/ Тамаваши Б.Мөнх-Оргил /М-1/, Саданоүми /М-6/-тэй таарч барилдан түүнд окүридаши мэхээр унаж энэ башёг 3 даваа, 11 унаатай үргэлжлүүлж явна.
Мидорифүжи /М-5/, энэ башёг 11 даваатай тэргүүлж буй Комүсүби Дайэйшо-той таарч барилдан түүнд цүкитаоши мэхээр унаж 10 даваа 4 унаатай болов.
Харин башёг тэргүүлж яваа Комүсүби Дайэйшо 12 даваатай болж энэ башёг тэргүүлсэн хэвээр байна.
Комүсүби Котоновака, Эндо /М-6/-той таарч барилдан түүнд унаснаар тэд адилхан 9 даваатай боллоо.
Энэ өдөр Секивакэ Кирибаяама Б.Лхагвасүрэн, Секивакэ Вакатакакаге-тэй таарч барилдах байсан ч өрсөлдөгч нь бэртлийн улмаас барилдаагүй учир тэр 11 даваа 3 унаатай болж маргааш Комүсүби Дайэйшо-той хүч үзэж давбал түрүүлэх боломж байгаа ч түүнтэй барилдах эсэх нь тодорхойгүй юм.
Энэ өдрийн сүүлийн барилдаан Сэкиваке Хошёорюү С.Бямбасүрэн, Комүсүби Вакамотохарү-тэй учраа таарч барилдан түүнийг уватэнаге мэхээр давснаар 10 даваа, 4 унаатай болов.
