Ичияамамото 8 даваатай Нагоя башёг ганцаараа тэргүүлж байна

Мэргэжлийн сүмо бөхийн 7 дугаар сарын тэмцээн буюу Нагоя башё IG аренад 9 дэх өдрөө үргэлжилж /2025.07.21/ байна.

Их аварга Ооносато энэ өдөр Комүсүби Такаясү -тэй хүчээ сорьж түүнийг ёрикири мэхээр давснаар 7 даваа 2 унаатай боллоо. Харин Такаясү 6 даваа, 3 унаатай болоод байна.

Озэки Котозакүра 7 дахь өдрийн барилдаанд Кинбозан /М-3/-тай таарч хүчээ сорин түүнд ёрикири мэхээр унаснаар 4 унаа, 5 даваатай болов.

Сэкивакэ Киришима Б.Лхагвасүрэн энэ өдөр Хакүохо /М-4/-той учраа таарч барилдан түүнд ошидаши мэхээр унаснаар 7 даваа, 2 унаатай боллоо.

Сэкиваке Вакатакакаге энэ өдөр Хирадоүми /М-5/-тэй таарч барилдан түүнийг ёрикири мэхээр хаяснаар тэд адилхан 5 даваа, 4 унаатай боллоо.

Комүсүби Ошёома П.Дэлгэрбаяр энэ өдөр Охо /М-2/-той таарч барилдан түүнд ошидаши мэхээр унаснаар 2 даваа, 7 унаатай байна.

Вакамотохарү /М-1/ өнөөдөр Украины сүмоч Аонишики /М-1/-тэй хүч үзэж түүнд шитатэхинери мэхээр унаснаар 2 даваа, 7 унаатай болж, Аонишики 7 даваа, 2 унаатай башёг амжилттай үргэлжлүүлж явна.

Онокацү Б.Чойжилсүрэн /М-3/ өнөөдөр Тамаваши Б.Мөнх-Оргил /М-4/-той хүч үзэн барилдаж түүнийг ёрикири мэхээр давснаар 3 даваа, 6 унаатай болсон бол Тамаваши 7 даваа, 2 унаатай болоод байна.

Чиёошома Г.Мөнхсайхан /М-9/ Нагоя башёгийн 9 дэх өдрийн барилдаанд Такеруфүжи /М-6/ учраа тааран барилдаж түүнд ошидаши мэхээр унаснаар энэ башёг 9 унаатай боллоо. Тэрбээр нуруундаа хүнд бэртэл авч хагалгаа хийлгээд удаагүй юм байна.

Рога А.Амарсанаа /М-10/ энэ өдөр Хидэноүми /М-15/-тэй хүч үзэн барилдаж түүнийг уватэнаге мэхээр хаяснаар 5 даваа, 4 унаатай боллоо.

Ура /М-9/ энэ өдөр Токихаяатэ/М-11/-тай учраа тааран барилдаж түүнд ошитаоши мэхээр унаснаар 6 даваа, 3 унаатай болоод байгаа бол Токихаяатэ 4 даваа, 5 унаатай боллоо.

Өнөөдөр Ичияамамото /М-8/, Гонояама /М-6/-тай таарч барилдан түүнийг хикиотоши мэхээр хаяснаар энэ башёгийн анхны 50 хувийн амжилтаа /8-1/ үзүүлсэн бөхөөр шалгарлаа.