.png){kind=logo}
Өнөөдөр буюу 2023 оны 4 дүгээр сарын 18-ны Мягмар /Өлзийт/ гарагт болох үйл явдлын зарим мэдээллийг тоймлон та бүхэнд хүргэж байна.
09:00 цагт Монгол банкны Г байрны 2 давхарын хурлын танхимд: Хүнс, хөдөө аж ахуй, хөнгөн үйлдвэрийн яам, Монгол Улсын Ерөнхийлөгчийн тамгын газар, Монголбанк, Монголын банкны холбоо хамтран “Хүнс, хөдөө аж ахуйн үйлдвэрлэлийг дэмжих зээлийн ерөнхий нөхцөл, шаардлага” сэдэвт сургалт хэлэлцүүлэг зохион байгуулна.
10:00 цагт МҮХАҮТ-д: МҮХАҮТ, ҮСХ-ноос "Монгол Улсын экспортлогч аж ахуйн нэгжүүдийн нөхцөл байдал" сэдэвчилсэн судалгааны үр дүнг танилцуулна.
10:00 цагт Блю Скай зочид буудалд: Монгол Улс ирэх 7 сард НҮБ-ын Улс төрийн Дээд түвшний форумд тайлагнах "Тогтвортой хөгжлийн зорилгын хэрэгжилтийн талаарх Үндэсний сайн дурын хоёрдугаар илтгэл"-ийн төслийг танилцуулж, оролцогч талуудын санал зөвлөмжийг авах хэлэлцүүлэг зохион байгуулна. Утас: 94111220
11:00 цагт "Монгол Ньюс" Мэдээллийн төвд: "Өв соёл эх эрдэнэ холбоо" ТББ-ын ээжүүдийн зөвлөлөөс үр хүүхдүүдээ цахим гэмт хэргийн хохирогч болохоос хамгаалах хууль батлуулахыг шаардаж, Төрийн гурван өндөрлөгт өргөх бичиг хүргүүлж байгаа талаараа мэдээлнэ.
