.png){kind=logo}
Японы Осака хотноо мэргэжлийн сумо бөхийн 2025 оны 3 дугаар сарын Харү башё буюу Хаврын тэмцээн өнөөдөр /2025.03.09/ эхэлж байна.
Өнөөдрийн байдлаар Харү башёгийн дээд /Макүүчи/ зиндаанд Монголын 6 сумоч хүч, ур чадвараа сорин барилдах юм.
Энэ башёгийн эхний өдөр Онокацү Б.Чойжилсүрэн /М-12/ Нишикифүжи /М-13/-тэй учраа таарч барилдах бол Ошома П.Дэлгэрбаяр /М-8/ энэ өдөр Хакүохо /М-9/-той учраа тааран барилдах юм байна.
Тамаваши Б.Мөнх-Оргил /М-7/, Атамифүжи /М-8/-той учраа тааран хүчээ сорих бол Чиёошома Г.Мөнхсайхан /М-2/ өнөөдөр Сэкиваке Охо-той учраа тааран барилдахаар болжээ.
Комүсүби Киришима Б.Лхагвасүрэн энэ өдөр Тобизарюү /М-3/-тэй учраа таарч барилдах бол Озэки Оносато энэ өдөр Вакатакакаге /М-1/-тэй учраа тааран барилдана. Харин Озэки Котозакура, Вакамотохару /М-1/-тай хүчээ сорин барилдах юм байна.
Ёкозүна цол хүртээд байгаа Хоошёорюү С.Бямбасүрэн Харү башёгийн эхний өдөр Комүсүби Аби-тай учраа тааран барилдахаар болжээ.
