.png){kind=logo}
Японы Осака хотноо болж буй мэргэжлийн сумо бөхийн 2025 оны 3 дугаар сарын Харү башё буюу Хаврын тэмцээний 2 дахь өдөр /2025.03.10/ 74 дэх Ёкозүна Хоошёорюү С.Бямбасүрэн, Вакатакакаге /М-1/-тэй таарч барилдан түүнийг ёрикири мэхээр хаяж эхний даваагаа аваад байна.
Харү башёгийн 2 дахь өдөр Онокацү Б.Чойжилсүрэн /М-12/ Мидорифүжи /М-11/-тэй хүчээ сорин барилдаж түүнийг ёрикири мэхээр хаяж 2 даваатай башёг үргэлжлүүлж байна.
Ошома П.Дэлгэрбаяр/М-8/, Тамаваши Б.Мөнх-Оргил /М-7/ нар өнөөдөр хоорондоо таарч барилдан Тамаваши ошидаши мэхээр давснаар 1 даваа, 1 унаатай болсон бол Ошома 2 унаатай башёг үргэлжлүүлж явна.
Харин Чиёошома Г.Мөнхсайхан /М-2/ энэ өдөр Сэкиваке Дайэйшёо-той хүч үзэж түүнд цүкипаши мэхээр унаснаар 1 даваа, 1 унаатай боллоо.
Комүсүби Киришима Б.Лхагвасүрэн энэ өдөр Озэки Оносато-той учраа таарч түүнд ошидаши мэхээр унаснаар 1 унаа, 1 даваатай башёг үргэлжлүүлж байгаа бол Оносато 2 даваатай болов.
Харин Озэки Котозакура, өнөөдөр Гонояама/М-2/-тай таарч барилдан түүнийг ёрикири мэхээр хаяж 1 даваа, 1 унаатай болоод байна.
