.png){kind=logo}
Аргын тооллын 2023 оны 4 дүгээр сарын 08. Бямба гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Хаврын дунд хөхөгчин туулай сарын шинийн 17, Санчир гараг. Онгоц одтой, найман цагаан мэнгэтэй, улаан бич өдөр.
Өдрийн наран 06 цаг 17 минутад мандан, 19 цаг 31 минутад жаргана. Тухайн өдөр луу жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр гэмтнийг шийтгэх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход авахад муу.
Өдрийн сайн цаг нь хулгана, үхэр, луу, могой, хонь, нохой, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй, өнгө зүс доройтно хэмээжээ.
