.png){kind=logo}
Өнөөдөр буюу 2025 оны 1 дүгээр сарын 22-ны Лхагва /Үлэмж/ гарагт болох зарим үйл явдлыг тоймлон танилцуулж байна.
08:30 цагт Төрийн ордонд: Засгийн газрын ээлжит хуралдаан болно.
10:00 цагт Төрийн ордонд: УИХ-ын Төсвийн байнгын хорооноос СЗХ-ны орон тооны бус гишүүнд нэр дэвшигчтэй хийх нэр дэвшигчийн сонсголыг зохион байгуулна.
10:00 цагт Гаалийн ерөнхий газарт: Засгийн газраас татварын хууль тогтоомжийг шинэчилж, боловсронгуй болгох зорилтын дагуу ГЕГ-аас энэ сарын 22-31-ний өдрүүдэд “Татварын хууль тогтоомжийн шинэчлэл” сэдвээр 5 удаагийн хэлэлцүүлэг зохион байгуулна. Гаалийн зуучлагч байгууллага, сонирхогч бусад этгээдэд зориулсан хамгийн эхний хэлэлцүүлэг болно.
14:00 цагт Төрийн ордны “Их Эзэн Чингис хаан” танхимд: “Утааны асуудал: Стандарт, хяналт (зуух, түлшний технологи)” хэлэлцүүлэг болно.
Швейцарын Давос хотноо: Монгол Улсын Шадар сайд Т.Доржханд энэ сарын 20-24-нд “Ухаалаг эрин үеийг төлөвшүүлэх нь” сэдвийн дор зохион байгуулж буй Дэлхийн эдийн засгийн 55 дугаар чуулганд оролцож байна.
Усанд сэлэлтийн УАШТ энэ сарын 22-25-нд болж байна.
Бөхийн өргөөнд: Монгол Улсын Гавьяат тамирчин Дугарсүрэнгийн Оюунболд агсны нэрэмжит чөлөөт бөхийн тэмцээн өнөөдөр өндөрлөнө.
Нийслэлд: Цэргийн бүртгэл өнөөдөр дуусна.
Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс хүлээн авч байна.
Хөвсгөл аймагт: “Ая эгшгийн зургаан жигүүр-2025” өсвөрийн ардын хөгжимчдийн уралдаан энэ сарын 22-23-нд болно.
Хилийн чанадад:
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд зохион байгуулна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!