ӨНӨӨДӨР: УИХ-ын дарга БНХАУ-д албан ёсоор айлчилна

Өнөөдөр буюу 2025 оны 2 дугаар сарын 24-ний Даваа /Саран/ гарагт болох зарим үйл явдлыг тоймлон танилцуулж байна.

УИХ-ын дарга Д.Амарбаясгалан Бүх Хятадын Ардын Төлөөлөгчдийн Их Хурлын Байнгын хорооны дарга Жао Лөжи-гийн урилгаар БНХАУ-дэнэ сарын 24-27-нд албан ёсны айлчлал хийнэ.

11:00 цагт Корпорэйт зочид буудалд: Кибер халдлага, зөрчилтэй тэмцэх нийтийн төв, Аюулгүй байдал судлалын хүрээлэн хамтын ажиллагааны санамж бичигт гарын үсэг зурна. Утас: 94999598

11:00 цагт НОБГ-т: Сар шинийн баяр, амралтын өдрүүдийн аюулгүй байдлын сэрэмжлүүлэг, “Дөрвөн асуудал-Нэг шийдэл” аяны талаар НОБГ, Нийтийн тээврийн бодлогын газар, БОГ, УБХЗАА-ны Сайжруулсан шахмал түлшний хяналтын хэлтэс мэдээлэл хийнэ. Утас: 99107367

11:30 цагт “Зууны мэдээ” сонины Үндэсний мэдээллийн төвд: Монголын хүний төлөө намаас Засгийн газрыг огцруулах хууль зүйн үндэслэлийг танилцуулна. Утас: 99790206, 80190070

Монгол бөхийн өргөөнд: Сар шинийн баярт зориулсан цуврал барилдаан эхэлнэ. Тарвалин хийдийн нэрэмжит Сар шинийн баярт зориулсан сумын цолтон, залуу бөхчүүдийн уламжлалт барилдаан болно.

Өнөөдөр: Сондгой тоогоор төгссөн дугаартай машин авто замын хөдөлгөөнд оролцоно.

Нөөцийг махыг хоёрдугаар сарын 7-ноос эхлэн 446 хүнсний дэлгүүрээр худалдаж байна.

Г.Занабазарын нэрэмжит Дүрслэх урлагийн музейд: “Энэтхэгийн соёл, гар урлалын үзэсгэлэн”гуравдугаар сарын 1-нийг хүртэл гарч байна.

Тусгаар тогтнолын талбайд: Архангай аймгийн цагаан идээний нэгдсэн үзэсгэлэн худалдаа болж байна.

МҮЭ-ийн Соёлын төв ордонд: Тус ордноос жил бүр уламжлал болгон зохион байгуулдаг "Миний Монгол-2025" үзэсгэлэн худалдаа гарч байна.

Соёолж молл”, “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал өдөр бүр үргэлжилж байна.

Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн 3 дугаар сарын 12-ныг хүртэл гарч байна.

Өмнөговь аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно.

Увс аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно. Барилдаанд дархан аварга Н.Батсуурь тэргүүтэй бөхчүүд зодоглоно.

Завхан аймагт: Улиастай суманд сар шинийн баярт зориулсан үзэсгэлэн худалдаа болно. Энэ сарын 24-нийг үргэлжлэх үзэсглэн худалдаанд аймгийн 24 сум, Говь-Алтай, Ховд, Архангай, Увс аймгийн жижиг дунд үйлдвэрлэгчид оролцоно.

Сэлэнгэ аймагт: Ардын дуу бүжгийн “Сэлэнгийн Долгио” чуулга “Элдэв эрдэмт” хэмээх модон могой жилийн сар шинийн баярт зориулсан “Сар шинийн эгшиглэн” ардын дуун цацал уран бүтээлийн тоглолтоо 18.00 цагаас ганцхан удаа тоглоно.

Өнөөдөр: Сэлэнгэ аймгийн удирдах ажилтны зөвлөгөөн болно.

Хөвсгөл аймгийн Цагааннуур суманд: “Цаа, цаачдын баяр” болно.

Төв аймгийн ЗДТГ-т: Хөдөлмөрийн аваргуудад шагнал гардуулна.

Монако вант улсын Монте-Карло хотноо: Олон улсын шатрын холбооны 2024-2025 оны эмэгтэйчүүдийн Гран при тойргийн тэмцээний 3 дугаар цуврал 2 дугаар сарын 17-28-нд болж байна. Дэлхийн шилдэг 20 эмэгтэй тамирчин өрсөлдөж буй энэ тэмцээнд Монголоос ОУХМ Б.Мөнгөнтуул оролцож байна.

Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд тус тус зохион байгуулна.