.png){kind=logo}
Мэргэжлийн сүмо бөхийн 7 дугаар сарын тэмцээн буюу Нагоя башё IG аренад 3 дахь өдрөө үргэлжилж /2025.07.15/ байна.
Мэргэжлийн сүмогийн 74 дэх Их аварга Хоошёорюү С.Бямбасүрэн, Украины сүмоч Аонишики /М-1/-тэй энэ өдөр таарч барилдан түүнд ваташикоми мэхээр унаснаар Нагоя башёг 2 унаа, 1 даваатай үргэлжлүүлж байна.
Харин энэ башёгаас Их аварга цолтой хүч үзэж буй Ооносато 3 дахь өдрийн барилдаандаа Вакамотохарү /М-1/-тай таарч барилдан түүнийг ошитаоши мэхээр хаяж 3 даваатай болов.
Комүсүби Ошёома П.Дэлгэрбаяр энэ өдөр Онокацү Б.Чойжилсүрэн /М-3/-тэй таарч барилдан Онокацү ошидаши мэхээр хаяж 1 даваа, 2 унаатай болоод байгаа бол Ошёома 3 унаатай башёг үргэлжлүүлж байна.
Эхний өдөр Озэки Котозакүра Комүсүби Такаясү-тэй таарч хүчээ сорин түүнд уватэдашинаге мэхээр ойчиж 2 унаа, 1 даваатай болсон бол Такаясү 2 даваа 1 унаатай башёг үргэлжлүүлж байна.
Сэкивакэ Киришима Б.Лхагвасүрэн энэ өдөр Охо /М-2/-той учраа таарч барилдан түүнийг ёрикири мэхээр хаяж 3 даваатай боллоо.
Сэкивакэ Вакатакакагэ энэ өдөр Аби /М-2/-тэй барилдан түүнд хатакикоми мэхээр унаснаар тэд адилхан 2 даваа, 1 унаатай боллоо.
Тамаваши Б.Мөнх-Оргил/М-4/, Кинбозан /М-3/-тай энэ өдөр таарч барилдан түүнийг ошидаши мэхээр хаяснаар башёг 3 даваатай үргэлжлүүлж байна.
Чиёошома Г.Мөнхсайхан /М-9/ Нагоя башёгийн 3 дахь өдрийн барилдаанд Ичияамамото /М-8/-той учраа тааран барилдаж ошидаши мэхээр унаснаар энэ башёг 3 унаатай үргэлжлүүлж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!