.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 5 дахь өдөр /2023.05.16/ Озэки Хошёорюү С.Бямбасүрэн, Гонояама /М-2/-тай таарч барилдан түүнийг ёрикири мэхээр давснаар 3 даваа, 2 унаатай башёг үргэлжлүүлж явна.
Харин Озэки Киришима Б.Лхагвасүрэн, Комүсүби Оносато-той учраа тааран барилдаж, түүнд ёритаоши мэхээр унаснаар 4 унаа, 1 даваатай башёг амжилт тааруухан үргэлжлүүлж байна.
Энэ башёгаас эхлээд Котозакура нэрээр барилдахаар болсон Озэки Котоновака, Тобизарюү /М-3/-тэй таарч барилдан түүнийг ёритаоши мэхээр давж, 1 унаа 4 даваатай болов.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Таканошо /М-8/-тэй учраа тааран барилдаж түүнд цүкиотоши мэхээр унаж 2 даваа, 3 унаатай болоод байна.
Миторюү Б.Төрболд /М-13/, Оошёома П.Дэлгэрбаяр /М-14/ нар энэ өдөр учраа таарч барилдан Оошёома ёрикири мэхээр давснаар 4 даваа, 1 унаатай болж, Миторюү ганц даваа, 4 унаатай башёг үргэлжлүүлж явна.
