.png){kind=logo}
Германд үргэлжилж буй Европын хөлбөмбөгийн аварга "Евро -2024" тэмцээний хэсгийн тоглолтууд өнөөдөр өндөрлөж, хасагдах шатанд тоглох 16 багийн нэр тодорлоо.
Тэмцээн эхлэхээс нэг хоногийн өмнө хөлбөмбөг сонирхогчдын нэгэн адил өөрийн таавар, таамаглалаа бичсэн. Зургаан хэсгээс аль аль баг нэг, хоёроор гарах, цаашид шөвгийн найм, хагас шигшээ, финалд ямар багууд үлдэх, хаанах аварга болох гээд.
Тиймээс тааврын эхний хэсэг буюу 16-д юу гэж "буудсанаа" дүгнэхэд болохоор байна.
Ер нь бол хасагдах шатанд шалгарсан 16 багаас 13-ийг зөв тааж.
Мөн зургаан хэсгээс ямар багууд нэг, хоёроор гарахыг тааварлахдаа 4 хэсгийг 100 зөв бичиж.
Үлдсэн 2 хэсгээс Холланд, Франц, Бельги, Словакийг "гаргасан ч" хэсгээс хэдээр гарах дээр " төөрчээ".
Ер нь таавар хамгийн их будилуулсан ( зөвхөн минийхийг ч биш байх) баг бол Австри.
Пеццей, Кранкль, Прохазка гээд олон шилдэг тоглогчидтой байсан 80-аад оны Австри бас сайн баг байсныг мэдэх ч энэ "Евро"-д Франц, Холландтай хэсгээс нэгээр гараад ирнэ гэж даанч санаанд багтсангүй.
Украиныг хэсгээсээ эхний гурваар ч гарахгүй гэж таамаглаад олон хүнд "ад" болж байсан ч яг л онож, таамаглал маань.
Хорват, Унгар,Чех гурвыг гурваар гаргаад буруудаж. Гэхдээ " манай гурав" муу байгаагүйг та бүгд харсан байх хэ хэ. Унгар хэсэгтээ 3-р байр эзэлсэн ч үзүүлэлтээр 16-д ороогүй.
За ингээд дараагийн хасагдах шатанд хэр зэрэг онох, алдахаа харах цаг ирлээ.
Шөвгийн наймд таавар маань 100 % болохгүй нь тодорхой болсон. Учир нь Франц-Бельги хоёр ( Бельги "бойтоглож" хоёроор гарснаас болж байгаа юм хэ хэ)хоорондоо таарсан. Аль нэг нь мулт гэсэн үг.
Бусад долоог бол таах боломж байна.
Ташрамд дурдахад, хэлэхэд хэсэгтээ тааруухан тоглож, гурваар арай гэж гарсан "улбар шар" Холландууд цаашид сайн тогловол хагас шигшээд "зоволгүй" хүрчих " хонгил" харагдаж байна. Тэдний замд "Том" багуудаас аль нь ч алга.
За тэгээд хагас сайнаас " алаан" эхэлнэ. Хараад байж дээ.
Та нарын маань таавар хэр байгаа онож байна, ингэхэд?
Ц.Энхтүвшин Таван цагариг сонин
