.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 2 дахь өдөр /2024.07.15/ Их аварга Тэрүнофүжи Г.Ган-Эрдэнэ, Мейсэй /М-1/-тэй таарч барилдан, түүнийг ёрикири мэхээр давснаар 2 даваатай болоод байна.
Озэки Хошёорюү С.Бямбасүрэн, Комүсүби Хирадоүмитэй таарч барилдан түүнийг ошидаши мэхээр давснаар 1 даваа, 1 унаатай башёг үргэлжлүүлж явна. Харин Секиваке Киришима Б.Лхагвасүрэн, Митакэүми/М-2/-тэй учраа тааран барилдаж, түүнийг ёрикирии мэхээр унаснаар 2 даваатай болоод байна.
Котозакура нэрээр барилдахаар болсон Озэки Котоновака Атамифүжи/М-1/-тэй таарч барилдан түүнийг ёрикири мэхээр давснаар тэд адилхан 1 унаа, 1 даваатай болов.
Өнгөрсөн башёд түрүүлсэн Сэкиваке Оносато, Вакамотохару /М-2/-тай учраа тааран барилдаж, түүндг ошитоши мэхээр унаснаар 2 унаатай болсон бол Вакамотохару 2 даваатай башёг үргэлжлүүлж байна. Энэ өдөр Озэки Такакэйшёо, Комүсүби Дайэйшо-той таарч барилдан түүнийг хатакикоми мэхээр давснаар 1 даваа, 1 унаатай болоод байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Мидорифүжи /М-10/-тэй учраа тааран барилдаж түүнийг ёритаоши мэхээр давж 2 даваатай болоод байна.
Мэргэжлийн сумо бөхийн дээд зиндаанд дэвшин барилдах болсон 27 настай Ошома П.Дэлгэрбаяр /М-9/, Рюүдэн /М-8/-тэй таарч барилдан түүнийг хатакикоми мэхээр давснаар 2 даваатай боллоо.
