.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 3 дахь өдөр /2024.07.16/ Их аварга Тэрүнофүжи Г.Ган-Эрдэнэ, Вакамотохару /М-1/-тэй таарч барилдан, түүнийг ёрикири мэхээр давснаар 3 даваатай болоод байна.
Озэки Хошёорюү С.Бямбасүрэн, Комүсүби Митакэүми /М-1/-тэй таарч барилдан түүнийг ёрикири мэхээр давснаар 2 даваа, 1 унаатай башёг үргэлжлүүлж явна. Харин Секиваке Киришима Б.Лхагвасүрэн, Гонояама /М-3/-тэй учраа тааран барилдаж, түүнийг уватэнагe мэхээр давснаар 3 даваатай болоод байна.
Котозакура нэрээр барилдахаар болсон Озэки Котоновака, Мейсэй /М-1/-тэй таарч барилдан түүнийг ошидаши мэхээр давснаар 1 унаа, 2 даваатай болов.
Өнгөрсөн башёд түрүүлсэн Сэкиваке Оносато, Дайэйшо /М-2/-тай учраа тааран барилдаж, түүнийг хатакикоми мэхээр давснаар 1 даваа, 2 унаатай боллоо. Энэ өдөр Озэки Такакэйшёо, Атамифүжи /М-1/-тэй таарч барилдан түүнд ёритаоши мэхээр унаснаар 1 даваа, 2 унаатай болоод байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Ошома П.Дэлгэрбаяр /М-9/-тэй учраа тааран барилдаж түүнд хикиотоши мэхээр унаж 2 даваа, 1 унаатай болоод байна. Харин Ошома 3 даваатай башёг үргэлжлүүлж байна.
