.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 5 дахь өдөр /2024.07.18/ Их аварга Тэрүнофүжи Г.Ган-Эрдэнэ, Гонояама /М-3/-тай таарч барилдан, түүнийг ошидаши мэхээр хаяснаар 5 даваатай энэ башёг ганцаараа тэргүүлж явна.
Озэки Хошёорюү С.Бямбасүрэн, Вакамотохару /М-2/-тэй таарч барилдан түүнийг ошитаоши мэхээр хаяснаар 3 даваа, 2 унаатай башёг үргэлжлүүлж явна.
Харин энэ өдөр Секиваке Киришима Б.Лхагвасүрэн, өнгөрсөн башёд түрүүлсэн Сэкиваке Оносато-той учраа тааран барилдаж, түүнд ошидаши мэхээр унаснаар 3 даваа, 2 унаатай болоод байна.
Котозакура нэрээр барилдахаар болсон Озэки Котоновака, Комүсүби Митакэүми /М-1/-тэй таарч барилдан түүнд шитатэнаге мэхээр унаснаар 2 унаа, 3 даваатай башёг үргэлжлүүлж байна. Харин Митакэүми 2 даваа, 3 унаатай болов.
Энэ өдөр Озэки Такакэйшёо, Ура /М-4/-тай таарч барилдан түүнийг ёрикири мэхээр давснаар 2 даваа, 3 унаатай болж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Ичияамамото /М-11/-той учраа таарч барилдан, түүнийг цүкиотоши мэхээр давж, 4 даваа, 1 унаатай башёг үргэлжлүүлж байна.
Ошома П.Дэлгэрбаяр /М-9/ энэ өдөр Котошохо /М-7/-той учраа тааран барилдаж түүнийг ошидаши мэхээр хаяж 4 даваа, 1 унаатай болоод байна.
