.png){kind=logo}
Өнөөдөр буюу 2024 оны 7 дугаар сарын 19-ний Баасан /Гэгээн/ гарагт болох зарим үйл явдлыг тоймлон танилцуулж байна.
09:00 цагт Сүхбаатар дүүргийн шүүхэд: сэтгүүлч Н.Өнөрцэцэгийн шүүх хурал хоёр дахь өдрөө болно.
10:00 цагт Биеийн тамир, спортын улсын хороонд: ОХУ-ын Якутск хотод болсон “Азийн хүүхдүүд” олон улсын спортын зуны VIII наадмаас медаль хүртсэн баг тамирчдыг хүлээн авч уулзаж, хүндэтгэл үзүүлнэ.
11:00 цагт ҮСХ-ны байранд: Монгол Улсын нийгэм, эдийн засгийн 2024 оны эхний хагас жилийн үзүүлэлтүүдийг танилцуулах хэвлэлийн хурал болно.
Өнөөдөр: Тарваган тахлаас урьдчилан сэргийлэх вакцинжуулалт 8 дугаар сарын 1 хүртэл үргэлжилж байна.
Элсэлтийн шалгалт өгсөн сурагчид энэ 7 хоногоос эхлэн их, дээд сургуулиудад бүртгүүлж хөтөлбөртэй танилцаж сонгож эхэллээ.
Морин хуурын олон улсын VII наадам (шалгаруулалт) Өмнөговь аймгийн төв Даланзадгад суманд үргэлжилж байна.
Бурхан буудай хайрхны тэнгэрийг тайх ёслол 7-р сарын 19, 20-нд болно
Сэлэнгэ аймгийн Мандал сумын "Түүх бүтээсэн 100 жил" баяр наадам болно.
Дорноговь аймгийн Алтанширээ, Баянхонгор аймгийн Баацагаан, Хөвсгөл аймгийн Шинэ-Идэр, Галт, Төв аймгийн Бүрэн, Сэргэлэн, Хэнтий аймгийн Норовлин, Сэлэнгэ аймгийн Цагааннуур сумын 100 жилийн ой болж байна.
Архангай аймагт АРА фестиваль үргэлжилж байна.
Английн Баат хотноо 7-р сарын 11-22-нд болж буй Олон улсын математикийн 65 дугаар олимпиад Монгол Улсаас 6 сурагч оролцож байна.
