.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 10 дахь өдөр /2024.07.23/ 73 дахь Их аварга Тэрүнофүжи Г.Ган-Эрдэнэ, Секиваке Киришима Б.Лхагвасүрэнтэй таарч барилдан, түүнийг котэнаге мэхээр давснаар энэ башёг 10 даваатай ганцаараа тэргүүлж байна.
Энэ өдөр Озэки Хошёорюү С.Бямбасүрэн, Шонанноүми /М-4/-тэй учраа тааран барилдаж, түүнийг сотогаке мэхээр давснаар 7 даваа, 3 унаатай Нагоя башёг үргэлжлүүлж байна.
Тамаваши /М-9/, энэ өдөр Такарафүжи /М-13/-тэй учраа тааран барилдаж түүнд хикиотоши мэхээр унаснаар 5 даваа, 5 унаатай Нагоя башёг үргэлжлүүлж явна.
Энэ өдөр Ошома П.Дэлгэрбаяр /М-9/, Саданоүми /М-7/-тэй таарч хүч үзэн, түүнийг хатакикоми мэхээр хаяж 5 даваа, 5 унаатай болоод байна.
Котозакура нэрээр барилдахаар болсон Озэки Котоновака, өнгөрсөн башёд түрүүлсэн Сэкиваке Оносато-той учраа таарч барилдан түүнийг уватэнаге мэхээр давж 2 унаа, 8 даваатай башёг үргэлжлүүлж явна.
Энэ өдөр Озэки Такакэйшёо, Сэкиваке Аби-тэй учраа таарч барилдан, түүнд хатакикоми мэхээр унаж 4 даваа, 6 унаатай боллоо.
Мөн энэ өдөр Чиёошома Г.Мөнхсайхан /М-15/, Хокүтофүжи /М-12/-тэй барилдаж, түүнд ёритаоши мэхээр ойчиж 3 /3-2-5/ даваатай башёг үргэлжлүүлж байна.
