.png){kind=logo}
Ойрын өдрүүдэд бороо хур элбэгтэй байгаагаас үүдэн зарим аймаг, орон нутгийн замд үерээс үүдэлтэй замын эвдрэл гэмтэл их гарч байна. Тиймээс жолооч тээвэрчид та бүхэнд 2024 оны наймдугаар сарын 10 буюу өнгөрсөн амралтын өдрүүдэд эвдрэл үүссэн замуудын талаарх товч мэдээллийг хүргэж байна.
Өмнөговь аймгийн Даланзадгад сумаас Дундговь аймгийн Мандалговь чиглэлийн замд хүчтэй аадар борооны улмаас үер бууж, замын хэд хэдэн чиглэлд эвдрэл үүсээд байна. Тухайлбал, А0202 дугаартай Мандалговь-Даланзадгад чиглэлийн 305-301 км, 295-296 км 271-272 км, 259-260 км, 254-255 км, 230-231 км-т үерийн улмаас эвдрэл үүссэн байна.
Мандалговь-Даланзадгад чиглэлийн 302-305 км-т ус давж урссан 303 км-т хөвөө, далан эвдэрсэн тул нэг эгнээ замаар зорчуулж байгааг зам хариуцагч “АЗММ" ХХК-иас мэдээлж байна. Дээрх чиглэлийн 295-295.4 км замд "Цагаан гол" ус давсан тул тээврийн хэрэгслийн хөдөлгөөнд шаардлагатай зохицуулалтыг хийж ажиллаж байна.
Мөн А39 дугаартай Сайншанд-Ханги боомт чиглэлийн авто замын 12-13 км-т хоёр байршилд зам дээгүүр ус даван, хөвөө угаагдсан байгаа тул автозамын хөдөлгөөнд оролцохдоо та бүхэн аюулгүй байдлаа хангаж, хурдаа тохируулан зорчино уу?
A33 дугаартай Даланзадгад-Шивээхүрэн чиглэлийн 59 км-т үерийн усны улмаас үүссэн эвдрэлийг засварлаж дууссан байна
