.png){kind=logo}
Өнөөдөр буюу 2024 оны 8 дугаар сарын 16-ны Баасан /Гэгээн/ гарагт болох зарим үйл явдлыг тоймлон танилцуулж байна.
09:00 цагт “Туушин” зочид буудалд: Азийн бетоны X хурал болно. Тус хуралд Хот байгуулалт, барилга, орон сууцжуулалтын сайд Ж.Батсуурь болон салбарын төлөөллүүд, Азийн бетоны холбооны гишүүн орнуудын төлөөлөгч нар оролцож, бетоны салбарт тулгамдаж буй асуудлуудыг хэлэлцэнэ. Утас: 9507-1740.
10:00 цагт Төрийн ордонд: УИХ-ын чуулганы нэгдсэн хуралдаан, байнгын хороодын хуралдаан тус тус болно.
14:00 цагт ГХЯ-нд: Монгол Улсын Ерөнхийлөгчийн ивээл дор “Дэлхийн эмэгтэйчүүдийн анхдугаар чуулга уулзалт”-ыг Улаанбаатар хотноо зохион байгуулах гэж буйтай холбогдуулан ЕТГ, ГХЯ, НҮБ-ын суурин төлөөлөгч хамтран хэвлэлийн бага хурал хийнэ.
Занабазарын музейд: Монгол-Германы уран бүтээлчдийн “Орчин цагийн нүүдэлчдийн жим” гэрэл зургийн хамтарсан үзэсгэлэн гарч байна.
“Монгол Арт” галерейд: Монгол-Японы уран бүтээлчдийн “Арьсан урлаг” хамтарсан үзэсгэлэн гарч байна.
