.png){kind=logo}
Өнөөдөр буюу 2024 оны 8 дугаар сарын 21-ний Лхагва /Үлэмж/ гарагт болох зарим үйл явдлыг тоймлон танилцуулж байна.
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Словени Улсын Ерөнхийлөгч Др.Наташа Пирц Мусарын манай улсад хийж буй төрийн айлчлал үргэлжилнэ.
Төрийн ордонд: УИХ-ын ээлжит бус чуулганыг энэ сарын 15-27-ны өдрүүдэд хуралдана.
Төрийн ордонд: Засгийн газрын ээлжит хуралдаан хуралдана.
09:00 цагт МҮХАҮТ-д: Монгол-Словений бизнес форум нээлтээ хийнэ.
Өнөөдөр Корпорейт зочид буудлын хурлын заал (16 давхарт)-нд: Бүгд Найрамдах Словени Улсын Элчин сайдын яамны дэмжлэгтэйгээр зохион байгуулж буй “Монголын ойн салбарын шинэчлэл” сургалт хоёр өдрөө үргэлжилнэ.
08:30-09:30 цагт “Youth LEAD Mongol” ТББ-ын байранд: ЛГБТ иргэдийн эрүүл мэнд, хүний эрхийн талаар “Тэгш эрх”-ийн өдрүүд зохион байгуулах талаар мэдээлэл хийнэ.
09:00-17:00 цагт: НЗДТГ-аас Монголын Хуульчдын холбоотой хамтран иргэдэд хууль, эрх зүйн үнэ төлбөргүй зөвлөгөө өгөх өдөрлөгийг зохион байгуулна. 75050801, 75050802, 75050803, 75050804.
Өнөөдөр Монголын уран зургийн галерейн үзэсгэлэнгийн их танхимд: Кембрижийн их сургууль, Монголын уран зургийн галерей хамтран зохион байгуулж буй АНУ-ын Индианагийн их сургуулийн профессор, урлаг судлаач Ц.Уранчимэгийн дэглэсэн “Цаг хугацаа ба орон зай” тусгай үзэсгэлэн хаалтаа хийнэ.
УИД-ийн 5 давхарт баасан гараг хүртэл: “Шинэ замнал” ТББ, Зүймэл даавуун урлалын төвийн 20 жилийн ойд зориулсан “Өлзий хээ” нүүдлийн үзэсгэлэн гарна. Утас: 8572-2016.
Зэвсэгт хүчний 327 дугаар ангийн сургалтын төвийг түшиглэн: Монгол Улс, ОХУ-ын Зэвсэгт хүчний хамтарсан “Сэлэнгэ’’ байлдааны буудлагатай тактикийн хээрийн сургууль хоёр үе шаттай явагдана.
8 дугаар сарын 22 хүртэл: “Орбис” нүдний эмнэлгээс ЭХЭМҮТ, П.Н.Шастины нэрэмжит Улсын Гуравдугаар төв эмнэлэг болон орон нутагт ажиллаж буй нүдний эмч, сувилагч, мэдээгүйжүүлэгч эмч, эмнэлгийн тоног төхөөрөмжийн инженерүүдийн дунд явуулж буй сургалт үргэлжилнэ.
8 дугаар сарын 28-ныг хүртэл: Монгол-Германы хооронд дипломат харилцаа тогтоосны 50 жилийн ойн хүрээнд дэлгэсэн хоёр улсын 15 уран бүтээлчийн “2 day in Mongolia” үзэсгэлэн Г.Занабазарын нэрэмжит Дүрслэх урлагийн музейд олны хүртээл болно.
9-р сарын 16-ныг хүртэл: Халх голын ялалтын 85 жилийн ойд зориулсан “Халх гол-85 жил” үзэсгэлэн Чингис хаан Үндэсний музейд үргэлжилнэ.
8-р сарын 20-21-нд: Увс аймгийн Ховд сумын 100 жилийн ойн баяр наадам тус болно.
