.png){kind=logo}
Токио хотноо ням /2024.09.08/ гарагт эхэлсэн мэргэжлийн сумо бөхийн Аки башё буюу намрын тэмцээний 2 дахь өдөр Озэки Хошёорюү С.Бямбасүрэн, Дайэйшёо /М-1/-той таарч барилдан түүнийг ёрикири мэхээр давснаар 1 даваа, 1 унаатай энэ башёг унаагаар үргэлжлүүлж байна.
Сэкивакэ Киришима Б.Лхагвасүрэн Аки башёгийн 2 дахь өдөр Атамифүжи /М-2/-тэй учраа тааран барилдаж, түүнийг шитатэнаге мэхээр давж 2 даваатай болов.
Хамгийн ахмад сумочдын нэг Тамаваши Б.Мөнх-Оргил /М-10/ энэ өдөр Саданоүми /М-11/-тэй учраа таарч барилдан түүнд хатакикоми мэхээр ойчиж 2 унаатай болоод байна.
Ошома П.Дэлгэрбаяр /М-9/, Мидорифүжи /М-8/-тэй учраа тааран барилдаж түүнийг окүридаши мэхээр хаяж, энэ башёг 1 унаа, 1 даваатай үргэлжлүүлж байна.
Энэ башёд дээд зиндаа /Макүүчи/-нд анх удаа дэвшин барилдаж байгаа /Батжаргалын Чойжилсүрэн/ Онокацү /М-14/ 2 дахь өдрийн барилдаанд Такарафүжи /М-15/-тэй учраа тааран барилдаж ёрикири мэхээр унаснаар башёг 2 унаатай үргэлжлүүлж байна.
Харин энэ өдөр Озэки Котозакүра, Таканошёо /М-1/-той барилдаж түүнийг ёрикири мэхээр хаяснаар 2 даваатай болоод байна.
Мөн энэ өдөр Озэки Оносато, Тобизарюү /М-1/-тэй барилдаж түүнийг цүкидаши мэхээр хаяж 2 даваатай боллоо.
Комүсүби Хирадоими, Вакамотохару /М-3/-тай барилдаж түүнийн ёрикири мэхээр хаяснаар тэд адилхан 1 даваа, 1 унаатай башёг үргэлжлүүлж байна
Энэ өдөр Сэкиваке Такакейшо, Охо /М-2/-той таарч хүч үзэн түүнд ёрикири мэхээр унасгаар башёг 2 унаатай үргэлжлүүлж явна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!