.png){kind=logo}
Токио хотноо үргэлжилж байгаа мэргэжлийн сумо бөхийн Аки башё буюу намрын тэмцээний 8 дахь өдөр Сэкиваке Оносато, Митакэүми /М-3/-тэй учраа тааран барилдаж түүнийг ошидаши мэхээр хаяснаар Аки башёг ганцаараа 7 даваатай тэргүүлсээр байна.
Энэ өдөр Сэкивакэ Киришима Б.Лхагвасүрэн, Ура /М-5/-тай учраа тааран барилдаж, түүнийг ёрикири мэхээр хаяж, 7 даваа, 1 унаатай болов.
Озэки Хошёорюү С.Бямбасүрэн, Вакамотохару /М-3/-тай таарч барилдан түүнийг кубинаге мэхээр хаяснаар 4 даваа, 4 унаатай башёг үргэлжлүүлж байна.
Хамгийн ахмад сумочдын нэг Тамаваши Б.Мөнх-Оргил /М-10/ Вакатакакаге /М-7/-тай барилдаж түүнд ёрикири мэхээр унаж, 3 даваа, 5 унаатай боллоо.
Энэ өдөр Ошома П.Дэлгэрбаяр /М-9/Чураноүми /М-7/-тай таарч барилдан түүнийг хатакикоми мэхээр хаяж 6 даваа, 2 унаатай болоод байна.
Энэ башёд Макүүчи буюу дээд зиндаанд анх удаа дэвшин барилдаж буй Онокацү Батжаргалын Чойжилсүрэн /М-14/ энэ өдрийн барилдаанд Бүшозан /М-12/-тай учраа таарч түүнийг ёрикири мэхээр авснаар 3 даваа, 5 унаатай башёг үргэлжлүүлж явна.
Харин энэ өдөр Озэки Котозакүра, Шодай /М-4/-тай барилдаж түүнийг ошидаши мэхээр хаяснаар 2 унаа, 6 даваатай болов.
Комүсүби Дайэйшёо, Сэкиваке Абитай барилдаж түүнд окуридаши мэхээр хаяснаар 5 даваа, 3 унаатай болов.
Комүсүби Хирадоүми Таканошёо /М-1/-той таарч түүнийг ошидаши мэхээр давлаа.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!