Нийслэлийн 6 байршилд өнөөдөр авто зам хаана

Улаанбаатар, 2024 оны аравдугаар сарын 11 /МОНЦАМЭ/. Нийслэлийн зургаан байршилд өнөөдөр авто зам хаахаар болжээ.

Үүнд, Налайхын авто замаас “Скай ресорт” хүртэлх замыг энэ сарын 11-ний өдрийн 23:00 цагаас 14-ний өдрийн 06:00 цагийн хооронд,

-Гадаад харилцааны яамны уулзвараас Олимпын гүүр хүртэлх замыг энэ сарын 11-ний 23:00 цагаас 14-ний 06:00 цагийн хооронд,

-"Хоме плаза"-гийн уулзвараас "И-Март" дэлгүүрийн уулзвар хүртэлх замыг энэ сарын 11-ний 23:00 цагаас 14-ний 06:00 цаг хүртэл,

-Хан-Уул дүүргийн 24 дүгээр хороо “Фүүд сити” төвөөс “Номин моторс” хүртэлх замын баруунаас зүүн чиглэлийн урд хэсгийн эгнээг энэ сарын 11-ний 23:00 цагаас 14-ний 06:00 цагийн хооронд,

-Улаанбаатар төмөр замын өртөөнөөс "Барс" захын уулзвар хүртэлх авто замын урд хэсгийн эгнээг энэ сарын 11-ний өдрийн 22:00 цагаас 13-ны өдрийн 06:00 цагийн хооронд тус тус хаах аж. Тус чиглэлд зүүнээс баруун чиглэлийн хойд хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулах юм.

-Хурдны замаас Архивын ерөнхий газар хүртэлх урдаас хойшоо чиглэлийн зүүн талын авто замыг энэ сарын 11-ний 23:00 цагаас 14-ний 06:00 цагийн хооронд хэсэгчлэн хаана. Энэ хугацаанд хойноос урагш чиглэлийн баруун хэсгийн эгнээгээр замын хөдөлгөөнд оролцох боломжтой.

Зам засварын ажлын хүрээнд авто замыг асфальт бетоноор хучиж, инженерийн шугам сүлжээний худгийн тагийг асфальт бетон хучилтын түвшинд тааруулах, шинээр ус зайлуулах шугам сүлжээ суурилуулах, тэмдэг тэмдэглэгээ хийх зэрэг ажлыг гүйцэтгэнэ.

Эх сурвалж: МОНЦАМЭ Агентлаг Б.Туул