.png){kind=logo}
Өнөөдөр буюу 2024 оны 10 дугаар сарын 18-ны Баасан /Гэгээн/ гарагт болох зарим үйл явдлыг тоймлон танилцуулж байна.
09:00 цагт Төрийн ордонд: Монгол Улсын Ерөнхийлөгчийн ивээл дор зохион байгуулж буй Монголын Эмч нарын VII их хурал болно. Монгол Улсын Ерөнхийлөгч У.Хүрэлсүх тус Их хурлын нээлтэд оролцож үг хэлнэ. Утас: 9110-8333, 9612-1060, 8911-9482.
09:00-14:00 цагт Эх, хүүхдийн эрүүл мэндийн үндэсний төвд: Эрүү нүүрний мэс заслын багийнхан сайн дурын хүмүүнлэгийн 100 дахь ажлынхаа үр дүнг хэлэлцэж, “Хязгаар нутгийн инээмсэглэл” өдөрлөг болно.
11:00-13:00 цагт “Шангри-Ла” зочид буудалд: Монгол Улс, Европын Холбооны хооронд дипломат харилцаа тогтоосны 35 жилийн ойн хүрээнд эхлүүлж байгаа “Жендэрийн тэгш байдлын элч-Монгол Энхийг сахиулагчид” хамтарсан төслийн нээлт болно. Утас: 8877-9173.
11:00 цагт “Винсвэе эвэнт”-д: Техник, технологийн дээд сургууль, техник технологийн политехник коллежийн 40 жилийн ойн үйл ажиллагаатай. Ойн үйл ажиллагааны үеэр Цахим хөгжил, инновац, харилцаа холбооны сайдын шагналыг гардуулна.
11:40 цагт Богд хааны ордон музейд: Улсын эх дагина Дондогдулам хатны мэлмий гийсний 150 жилийн ойд зориулсан “Монголын төрийн Хатан эрдэнэ” тусгай үзэсгэлэн нээгдээд байна.
13:00 цагт “Мишээл Экспо”- төвд: Арьс шир, ноос, ноолуурын үзэсгэлэн худалдаа эхэлнэ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!