.png){kind=logo}
Японы мэргэжлийн сумо бөхийн Кюүшюү башёгийн 8 дахь өдрийн /2024.11.17/ барилдаанд Озэки Хошёорюү С.Бямбасүрэн, Ошома П.Дэлгэрбаяр /М-4/-тай таарч барилдан түүнийг уватэнаге мэхээр давснаар 7 даваа, 1 унаатай болоод байна.
Харин энэ өдөр Озэки Котозакүра, Чураноүми /М-4/-тэй барилдаж түүнийг уватэхинэри мэхээр давснаар 7 даваа, 1 унаатай болов.
Энэ башёгоос Озэки цолтой барилдаж байгаа Оносато, Тобизарюү /М-5/-тэй учраа тааран барилдаж түүнийг ошидаши мэхээр давснаар 2 унаа, 5 даваатай болоод байна.
Комүсүби Вакамотохару, Атамифүжи /М-3/-тэй таарч барилдан түүнийг ёрикири мэхээр давснаар 5 даваа, 3 унаатай боллоо.
Энэ өдөр Сэкивакэ Киришима Б.Лхагвасүрэн, Сэкиваке Дайэйшёо-той учраа тааран барилдаж, түүнд ошидаши мэхээр унаснаар 2 даваа, 6 унаатай башёг үргэлжлүүлж байна.
Комүсүби Шодай энэ өдөр Охо /М-1/-той таарч барилдан түүнийг окүридаши мэхээр давснаар 3 даваа, 5 унаатай боллоо.
Өчигдөр 40 насны төрсөн өдрөөрөө өрсөлдөгчөө давсан Тамаваши Б.Мөнх-Оргил /М-11/ өнөөдөр Токихаяате /М-15/-тэй таарч барилдан түүнд ёрикири мэхээр унаснаар 4 даваа, 4 унаатай боллоо.
Чиёошома /М-14/, Мейсэй /М-11/-тэй энэ өдөр хүч үзэж түүнд ошитаоши мэхээр унаж 4 даваа, 4 унаатай башёг үргэлжлүүлж байна.
Онокацү Батжаргалын Чойжилсүрэн /М-15/, Асакорюү /М-17/-тэй учраа тааран барилдаж түүнийг ёрикири мэхээр давснаар 1 унаа, 7 даваатай болоод байна.
Аби /М-3/ өнөөдөр Ура /М-2/-тай таарч барилдан түүнийг ошитаоши мэхээр давснаар 6 даваа, 2 унаатай башёг үргэлжлүүлж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!