.png){kind=logo}
Японы мэргэжлийн сумо бөхийн Кюүшюү башёгийн 10 дахь өдрийн /2024.11.19/ барилдаанд Озэки Хошёорюү С.Бямбасүрэн, Котошохо /М-5/-той таарч барилдан түүнийг ёрикири мэхээр давснаар 9 даваа, 1 унаатай болоод байна.
Харин энэ өдөр Озэки Котозакүра, Тобизарюү /М-5/-тай барилдаж түүн хикиотоши мэхээр давснаар 9 даваа, 1 унаатай болов. Харин Тобизарюү 4 унаа, 6 даваатай байна.
Энэ башёгоос Озэки цолтой барилдаж байгаа Оносато, Сэкиваке Дайэйшёо-той учраа тааран барилдаж түүнд ёрикири мэхээр унаснаар 3 унаа, 7 даваатай болоод байна. Харин Дайэйшёо 6 даваа, 4 унаатай башёг үргэлжлүүлж байна.
Энэ өдөр Сэкивакэ Киришима Б.Лхагвасүрэн, Чураноүми /М-4/-тэй учраа тааран барилдаж, түүнийг уватэнаге мэхээр давснаар 4 даваа, 6 унаатай башёг үргэлжлүүлж байна.
Комүсүби Шодай энэ өдөр Ура /М-2/-тэй таарч барилдан түүнийг ошитаоши мэхээр хаяснаар 4 даваа, 6 унаатай болоод байна.
Комүсүби Вакамотохару, Ошома П.Дэлгэрбаяр /М-4/-тай өнөөдөр учраа таарч түүнийг ошидаши мэхээр хаяж 6 даваа, 4 унаатай болж, харин Ошома 2 даваатай башёг үргэлжлүүлж байна.
Онокацү Батжаргалын Чойжилсүрэн /М-15/, Таканошо /М-6/-тэй учраа тааран барилдаж түүнд хатакикоми мэхээр унаснаар 7 даваа, 3 унаатай болоод байна. Харин Таканошо 9 даваа, 1 унаатай башёг тэргүүлэгчдийн эгнээнд явна.
Тамаваши Б.Мөнх-Оргил /М-11/ өнөөдөр Эндо /М-7/-тэй таарч барилдан түүнийг цүкиотоши мэхээр давснаар 5 даваа, 5 унаатай боллоо.
Чиёошома /М-14/, Хокүтофүжи /М-12/-тэй энэ өдөр хүч үзэж түүнийг катасүкаши мэхээр хаяж 6 даваа, 4 унаатай башёг үргэлжлүүлж байна.
Хирадоүми /М-1/ энэ өдөр Аби /М-3/-тэй учраа таарч түүнд катасүкаши мэхээр унаснаар Аби 8 даваа, 2 унаатай болж, Хирадоүми ганц даваатай байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!