“Сэтгэхүйн тойрог” хуульч, сэтгүүлчдийн клубийн анхны өглөөний уулзалт болно

Өнөөдөр буюу 2025 оны 1 дүгээр сарын 13-ны Даваа /Саран/ гарагт болох зарим үйл явдлыг тоймлон танилцуулж байна.

9.00 цагт Хууль зүйн үндэсний хүрээлэнд: “Сэтгэхүйн тойрог” хуульч, сэтгүүлчдийн клубийн анхны өглөөний уулзалт болно.

10.00 цагт Төрийн ордонд: УИХ дахь МАН, АН-ын бүлгийн хуралдаан болно.

11.00 цагт ХӨСҮТ-ийн зааланд: Томуу ба томуу төст өвчний нөхцөл байдлын талаар мэдээлэл өгнө.

12.00 цагт “Зууны мэдээ” сонины “Үндэсний мэдээллийн төв”-д: МУГТ, Мэргэжлийн боксчин Э.Цэндбаатар 2025 оны 2 дугаар сарын 15-ны өдөр "АСА Арена"-д болох Аваргын бүс хамгаалах тулааныхаа талаар мэдээлэл хийнэ.

Нийслэлд: Цэргийн бүртгэл нэгдүгээр сарын 6-22-нд үргэлжилнэ.

Татварын ерөнхий газарт: Анх удаа орон сууц худалдан авсан иргэн, дотоод гадаадын их дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.

Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.

Улсын дугаарын захиалга энэ сарын 15-ны өдрөөс албан ёсоор авч эхэлнэ.

“Блью Мон” галерейд: Шинэ болон шилмэл бүтээлийн “Онцлох бүтээлүүдийн үзэсгэлэн” энэ сарын 7-20-нд гарч байна.

Чингис хаан Үндэсний музейн 9 давхрын үзүүллэгийн танхимд: Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн энэ сарын 15-ныг хүртэл гарна.

Өмнөговь аймгийн Нутгийн Удирдлагын ордонд: Үндсэн хуулийн үзэл санааг түгээн дэлгэрүүлэх, сурталчлах ажлын хүрээнд "Ардчилал аюулгүй байдлын баталгаа болох нь" лекц болно.

Хөвсгөл аймгийн Мөрөн суманд: Ардчилсан шинэ үндсэн хууль батлагдсаны өдөрт зориулсан улс, аймаг, сумын болон залуу бөхчүүд оролцсон хүчит 64 бөхийн барилдаан болно.

Сэлэнгэ аймгийн Сайхан сумын Хөтөл тосгонд: Энэ сарын 13-17-нд "Монголын таеквондогийн VII их наадам" "Мазаалайгаа хайрлан хамгаалцгаая" уриан дор 7 төрлөөр болно.