.png){kind=logo}
Өнөөдөр буюу 2025 оны 1 дүгээр сарын 14-ний Мягмар /Өлзийт/ гарагт болох зарим үйл явдлыг тоймлон танилцуулж байна.
08:30 цагт Төрийн ордонд: УИХ-ын Байнгын хороодын хуралдаан болно.
09:00 цагт Төрийн ордонд: УИХ-ын Эдийн засгийн байнгын хорооноос зохион байгуулах Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монголбанкны Мөнгөний бодлогын хорооны орон тооны бус гишүүн, Монголбанкны Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчийн томилгооны сонсгол тус тус болно.
10:00 цагт Төрийн ордонд: УИХ-ын Хууль зүйн байнгын хорооноос зохион байгуулах Санхүүгийн зохицуулах хорооны Хяналтын зөвлөлийн гишүүнд нэр дэвшигчтэй хийх нэр дэвшигчийн сонсгол болно.
10:30 цагт Улаанбаатар зочид буудалд: Улаанбаатар хотын худалдааны танхим, Монголын Хуульчдын холбоо, Эдийн засгийн эрх зүйн хорооноос зохион байгуулах "Татварын шинэчлэл-Хувийн хэвшлийн оролцоо" хэлэлцүүлэг болно. Холбогдох утас: 7700-3883, 9999-5605
Нийслэлд: Цэргийн бүртгэл нэгдүгээр сарын 6-22-нд үргэлжилнэ.
Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.
Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.
-Энэ сарын 15-ны өдрөөс албан ёсоор улсын дугаарын захиалга авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж, байгууллага тус системтэй танилцаж, өөрийн мэдээллээ шалгаж, нягтлах боломжтой.
“Блью Мон” галерейд: Шинэ болон шилмэл бүтээлийн “Онцлох бүтээлүүдийн үзэсгэлэн” энэ сарын 7-20-ны өдрүүдэд гарч байна.
Чингис хаан Үндэсний музейн 9 давхрын үзүүллэгийн танхимд: Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн энэ сарын 15-ныг хүртэл гарна.
Сэлэнгэ аймгийн Сайхан сумын Хөтөл тосгонд: Энэ сарын 13-17-нд "Монголын таеквондогийн VII их наадам" "Мазаалайгаа хайрлан хамгаалцгаая" уриан дор 7 төрлөөр болно.
