ӨНӨӨДӨР: “Хурдацтай өөрчлөгдөж буй дэлхий дэх Монгол Улсын гадаад бодлого” онол-практикийн хурал болно

Өнөөдөр буюу 2025 оны 1 дүгээр сарын 29-ний Лхагва /Үлэмж/ гарагт болох зарим үйл явдлыг тоймлон танилцуулж байна.

8:30 цагт Төрийн ордонд: Засгийн газрын ээлжит хуралдаан болно.

9:00 цагт Төрийн ордонд: УИХ-ын Аюулгүй байдал, гадаад бодлогын байнгын хорооноос “Хурдацтай өөрчлөгдөн буй дэлхий ертөнц дэх Монгол Улсын гадаад бодлого” онол-практикийн хурал зохион байгуулна.

11:30 цагт “Зууны мэдээ” сонины Үндэсний мэдээллийн төвд: Интернэт датаг хугацаагаар хязгаарлаж хэрэглэгчийн ашиглаж дуусаагүй датаг хүчингүй болгодог нь хууль зөрчиж байгаа талаар ШӨХТГ-т гомдол гаргах тухай “Дата хугацаагүй болгох нэгдэл”-ээс мэдээлэл хийнэ. Утас: 99790206, 80190070

12:00 цагт “Зууны мэдээ” сонины Үндэсний мэдээллийн төвд: “Иргэдийн шударга шүүх” ТББ-аас Улсын дээд шүүхийн бүх шүүгчийг огцрохыг шаардаж шаардлага хүргүүлэх талаар мэдээлэл хийнэ. Утас: 99790206, 80190070

14:00 цагт Төрийн ордонд: Агаарын бохирдол, утааны талаар ерөнхий хяналтын сонсголын бэлтгэл хангах, зохион байгуулах үүрэг бүхий ажлын хэсгээс “Утааны асуудал: Эрх зүйн орчин, бодлого, шийдвэрийн хэрэгжилт, санхүүжилт, зарцуулалт, хариуцлага” сэдвээр хэлэлцүүлэг хийнэ.

Өнөөдөр: УИХ-ын Аж үйлдвэржилтийн бодлогын байнгын хороо болон УИХ-ын даргын 2024 оны 83, 108, 292 дугаар захирамжаар байгуулсан ажлын хэсгийн хуралдаан болно.

Чингис хаан Үндэсний музейд: Уран бүтээлч Ринчингийн Баясгалангийн "Хүннү Монгол Эрдэнийн шатар" үзэсгэлэн гуравдугаар сарын 12 хүртэл үргэлжилнэ.

Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс хүлээн авч байна.

Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд зохион байгуулна.