.png){kind=logo}
Өнөөдөр буюу 2025 оны 2 дугаар сарын 05-ны Лхагва /Үлэмж/ гарагт болох зарим үйл явдлыг тоймлон танилцуулж байна.
8:30 цагт Төрийн ордонд: Засгийн газрын хуралдаан болно.
10:00 цагт "UG Arena"-д: Монголын жүдо бөхийн холбооноос зохион байгуулдаг "ТОП-6" жин жингийн шилдэг зургаан тамирчны цуврал халз барилдаан эхэлнэ.
11:00-13:00 цагт ШУА-ийн Тэргүүлэгчдийн газар: Элчин сайдын индэр хүндэтгэлийн лекц болно.
11:00-13:00 цагт: Улсын дээд шүүхээс хяналтын шатны шүүх хуралдааныг шууд дамжуулах болсонтой холбоотой мэдээлэл өгнө.
19:00 цагт МУЭ-ийн арт галерейд: "ХХI зууны эхэн үеийн Монголын дүрслэх урлаг дахь хөрөг зураг" үзэсгэлэнг нээнэ. Үзэсгэлэн 2 дугаар сарын 15-ныг хүртэл үргэлжилнэ.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн гуравдугаар сарын 12-ныг хүртэл үргэлжилнэ.
Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс хүлээн авч байна.
Нийслэлд: Соёл урлагийн шилдгүүдийг шалгаруулах “Мөнгөн мод-2025” наадамд нэр дэвшигчдийн бүртгэлийг энэ сарын 3-7-нд хүлээн авна.
“Соёолж молл” болон “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал үргэлжилнэ.
Улиастай хотод: Завхан аймгийн 2025 оны өсвөр үеийн аймгийн аварга шалгаруулах тэмцээн энэ сарын 1-нээс 16 төрлөөр эхэллээ. Эдгээр тэмцээн зургаадугаар сарын 1 хүртэл хуваарийн дагуу үргэлжилнэ.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд зохион байгуулна
