.png){kind=logo}
Өнөөдөр буюу 2025 оны 2 дугаар сарын 13-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
Монгол Улсын Ерөнхий сайд Л.Оюун-Эрдэнэ БНХАУ-д энэ сарын 13-15-ны хооронд айлчилна.
Өнөөдөр: Дэлхийн радиогийн өдөр тохиож байна.
7:30-18:00 цагт Төрийн ордонд: ЦХИХХЯ, НҮБ-ын Хөгжлийн хөтөлбөр хамтран Монгол Улсын Их өгөгдөл, хиймэл оюуны үндэсний стратеги хэлэлцүүлэх анхдугаар чуулган - Data + AI Conference 2025 үйл ажиллагааг зохион байгуулна.
9:30-13:00 цагт Гадаад харилцааны яаманд: Их Британийн ЭСЯ, Монголын Уул уурхайн Үндэсний ассоциаци хамтран "Монголын уул уурхайн салбар дахь хөрөнгө оруулалтын боломж” хэлэлцүүлгийг зохион байгуулна. Утас: 88889878, 88122302
11:00 цагт: Хан-Уул дүүргийн Цагдаагийн 1 дүгээр хэлтсийн хонгилд зургаан шөнө долоон өдөр хоносон талаараа иргэн Х.Номинцэцэг мэдээлэл хийнэ.
11:00 цагт “Монгол ньюс” Мэдээллийн төвд: Шинэ намыг татан буулгаж, Ардчилсан намд нэгтгэхийг эсэргүүцэж байгаа талаар Шинэ намыг үүсгэн байгуулагчдаас мэдээлэл өгнө.
11:30 цагт "Монгол ньюс" мэдээллийн төвд: Ардчилсан намын гишүүд, дэмжигчдийн холбооноос хэвлэлийн хурал хийнэ.
15:00 цагт UG Arena-д: Монгол Улсад анх удаа болж буй мэргэжлийн боксын WBA холбооны Төв Азийн аваргын бүсний төлөөх “Night of Champions, Ulaanbaatar-2025” тэмцээний оргил тулаанд тулалдах Э.Цэндбаатар, түүний өрсөлдөгч Педро Бернал нарын хэвлэл мэдээлэлд нээлттэй бэлтгэл болно. Утас: 86113054, 95954116
Хөвсгөл аймгийн Хатгал тосгоны Хүй толгойн урд Хайчийн аманд: Өвлийн аялал жуулчлалын хамгийн том үйл ажиллагаа “Хөх сувд-2025” олон улсын мөсний баяр эхэлнэ.
Өвөрхангай аймагт: "Эх орон эндээс эхэлнэ" мэргэжлийн урлагийн тоглолт болно. Тоглолтод Монгол Улсын Морин хуурын чуулга, МУГЖ Д.Отгонжаргал, МУСТА Л.Нарангэрэл, Э.Дашням, МУАЖ Г.Равдан, МУСГЗ нэвтрүүлэгч Б.Гантигмаа, “Болор цом”-ын эзэн, яруу найрагч Ц.Эрдэнэбаатар гээд 100 гаруй уран бүтээлч оролцоно.
Энэ өдрүүдэд: Аялал жуулчлалын 7 хоног үргэлжилж байна.
Соёолж молл”, “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал өдөр бүр үргэлжилж байна.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн 3 дугаар сарын 12-ныг хүртэл гарч байна.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд тус тус зохион байгуулна.
БНХАУ-ын Харбин хотноо: Азийн өвлийн IX наадам 2 дугаар сарын 14-нийг хүртэл үргэлжилж байна.
