.png){kind=logo}
Өнөөдөр буюу 2025 оны 2 дугаар сарын 26-ны Лхагва /Үлэмж/ гарагт болох зарим үйл явдлыг тоймлон танилцуулж байна.
УИХ-ын дарга Д.Амарбаясгалан Бүх Хятадын Ардын Төлөөлөгчдийн Их Хурлын Байнгын хорооны дарга Жао Лөжи-гийн урилгаар БНХАУ-д энэ сарын 24-27-нд албан ёсны айлчлал хийнэ.
8.30 цагт Төрийн ордонд: Засгийн газрын ээлжит хуралдаан болно.
11:00 цагт Бөхийн өргөөнд: Битүүний өдрийн барилдаанд оролцох эрх авах аймаг цэрэг, сумын цолтой 800 бөхийн урьдчилсан шатны барилдаан болно.
11:00 цагт МБШТ- Гандантэгчэнлин хийд: Цагаан сарын хурал номтой холбоотой хэвлэлийн хурал хийнэ. Холбогдох утас: 99038623
11:00 цагт МҮОНРТ-ийн байранд: Монголын радиог Япон автомашинд сонсох боломжтой болсон талаар Радио телевизийн үндэсний сүлжээнээс мэдээлэл хийнэ. Холбоо барих утас: 99004811
11:30 цагт “Зууны мэдээ” сонины Үндэсний мэдээллийн төвд: Моннис групп нийслэлийн бүх зогсоолыг авч олон иргэд, ААН-үүдийг хохироож байгаа талаар хэвлэлийн хурал хийнэ.
12:30 цагт Ардчилсан Намын төв байранд: Шинэ нам Ардчилсан намд нэгдэж буй тухай хэвлэлийн хурал болно. Утас: 9615 1569
Өнөөдөр нийслэлд: Сондгой тоогоор төгссөн дугаартай машин авто замын хөдөлгөөнд оролцоно.
Нийслэлд: Нөөцийн махыг хоёрдугаар сарын 7-ноос эхлэн 446 хүнсний дэлгүүрээр худалдаж байна.
Үндэсний Номын сангийн төв байранд: Цагаан сарын баярт зориулсан “Номын сангийн хишиг өдөр” соёлын боловсролын хөтөлбөр энэ сарын 20-27-нд хэрэгжиж байна.
Г.Занабазарын нэрэмжит Дүрслэх урлагийн музейд: “Энэтхэгийн соёл, гар урлалын үзэсгэлэн”гуравдугаар сарын 1-нийг хүртэл гарч байна.
Тусгаар тогтнолын талбайд: Архангай аймгийн цагаан идээний нэгдсэн үзэсгэлэн худалдаа болж байна.
МҮЭ-ийн Соёлын төв ордонд: Тус ордноос жил бүр уламжлал болгон зохион байгуулдаг "Миний Монгол-2025" үзэсгэлэн худалдаа гарч байна.
Соёолж молл”, “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал өдөр бүр үргэлжилж байна.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн 3 дугаар сарын 12-ныг хүртэл гарч байна.
Дундговь аймагт: Дундговь аймгийн аварга малчин, аварга саальчин, аварга тэмээчин, аварга тариаланчдад шагнал гардуулах ёслол болно.
Монако вант улсын Монте-Карло хотноо: Олон улсын шатрын холбооны 2024-2025 оны эмэгтэйчүүдийн Гран при тойргийн тэмцээний 3 дугаар цуврал 2 дугаар сарын 17-28-нд болж байна. Дэлхийн шилдэг 20 эмэгтэй тамирчин өрсөлдөж буй энэ тэмцээнд Монголоос ОУХМ Б.Мөнгөнтуул оролцож байна.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд тус тус зохион байгуулна.
