.png){kind=logo}
Өнөөдөр буюу 2025 оны 4 дүгээр сарын 25-ны Баасан /Гэгээн/ гарагт болох зарим үйл явдлыг тоймлон танилцуулж байна.
9:20 цагт ГХЯ-нд: Монгол Улс, Бүгд Найрамдах Франц Улс дипломат харилцаа тогтоосны 60 жилийн ойн шуудангийн марк болон гэрэл зургийн үзэсгэлэнгийн нээлт болно.
10:00 цагт ШУА-д: “Монголын хөгжил 5:0 бодлого эрх зүйн асуудал” хэлэлцүүлэг болно.
10:00 цагт Төв шууданд: “Монгол Улс, Бүгд Найрамдах Франц Улс дипломат харилцаа тогтоосны 60 жил” шуудангийн шинэ марк, анхны өдрийн дугтуйны худалдаа болно. Холбогдох утас: 99036189
10:30 цагт: Үндэсний бичиг үсгийн баярт зориулан Монгол Улсын Үндэсний номын сангаас уламжлал болгон зохион байгуулж буй "Монгол бичгийн цахим бичвэр-IV" улсын уралдаан эхэлнэ.
11:00 цагт: “Нэгэн дээвэр доор 2” төслийн зохицуулагч А.Ариунболд, Улаанбаатар хотын Газар хөдлөлтийн гамшгийн эрсдлээм хамгаалах чадавхийг бэхжүүлэх төслийн багийн зөвлөх Фүкишима Сэиичиро, ОБЕГ-ын Газар хөдлөлтийн асуудал хариуцсан мэргэжилтэн Ш.Дашцэрэн нар ”Газар хөдлөлтийн гамшиг тохиолдвол Монгол Улс бэлэн үү? Сэдвээр мэдээлэл өгнө.
11:00 цагт ХӨСҮТ-ийн зааланд: Томуу ба томуу төст болон улаанбурхан өвчний нөхцөл байдлын талаар мэдээлэл өгнө.
15:00 цагт ЭЗХЯ-нд: Оюуны өмчийг хамгаалах өдрийг тохиолдуулан Дэлхийн оюуны өмчийн аж ахуйн нэгжийн үндэсний шагнал болон зохион бүтээгчдийн үндэсний шагнал гардуулах үйл ажиллагаа болно.
Сэлэнгэ аймгийн "Сэлэнгийн долгио" чуулгад: "Тэрбум мод үндэсний хөдөлгөөн-Хамтын ажиллагаа 2025" зөвлөгөөн болно.
Б.Хурманханы нэрэмжит Хөгжимт драмын театрт: “Mongolia photo week-2025” долоо хоногийн хүрээнд "Баян-Өлгий-өмнө ба одоо” гэрэл зургийн үзэсгэлэнгийн нээлт болно.
Завхан аймагт: “Монголын нууц товчоо” номын гурав дахь хэлэлцүүлэг болно.
Хилийн чанадад:
Мексикийн Мехико хотноо: шайбтай хоккейн III дивизоны дэлхийн аварга шалгаруулах тэмцээн эхэлнэ. 10 хоног үргэлжлэх тус тэмцээнд Монгол Улсаас 21 тамирчин хоккейчин оролцоно.
-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!