.png){kind=logo}
Монгол Улсаас Шведийн Хаант Улсад суугаа Элчин сайд Т.Жанабазар тус улсын Гадаад хэргийн дэд сайд Я.Кнутссонтой 3 дугаар сарын 28-ны өдөр уулзаж, хоёр талын харилцаа, хамтын ажиллагааны асуудлаар санал солилцов.
Уулзалтын үеэр талууд ирэх онд тохиох дипломат харилцаа тогтоосны 60 жилийн ойг хамтран тэмдэглэх, улс төр, соёл, боловсролын салбар болон олон талт хүрээнд хамтын ажиллагаагаа өргөжүүлэх асуудлаар дэлгэрэнгүй ярилцав.
Дэд сайд Я.Кнутссон нь Монгол Улс бүс нутагтаа ардчиллыг хөгжүүлж ирснийг цохон тэмдэглээд харилцаа, цаашид хоёр талын харилцааг дэмжиж ажиллахаа илэрхийлэв.
