ӨНӨӨДӨР: Сэтгүүл зүйн ёс зүйн форум болно

Өнөөдөр буюу 2025 оны 10 дугаар сарын 10-ны Баасан /Гэгээн/ гарагт болох зарим үйл явдлыг тоймлон танилцуулж байна.

09:00 цагт Миллениум плазад: Хэвлэл мэдээллийн зөвлөл “Сэтгүүл зүйн ёс зүйн форум 2025”-ыг “Дижитал эрин үеийн ёс зүй: Хиймэл оюуны сорилт ба боломж” сэдвээр зохион байгуулна.

10:00 цагт Үндэсний түүхийн музейд: Фото сэтгүүлч М.Лхагвасүрэнгийн “Үнэн” гэрэл зургийн үзэсгэлэнгийн нээлт болно.

11:40 цагт: "Чингис хаан" үндэсний музейн эрдэм шинжилгээний номын санд: Тус музейгээс эрхлэн гаргасан "Шинэ бүтээлийн нээлт 2025" номын нээлт болно.

12:00 цагт "Зууны мэдээ" сонины “Үндэсний мэдээллийн төв”-д: Монголын Бийч Волейболын холбооноос: 2025 оны 10 дугаар сарын 20-31-нд Бахрейн Улсад болох Азийн Залуучуудын III их наадамд Монгол Улсыг төлөөлөн Бийч волейболын төрлөөр оролцох талаар мэдээлэл хийнэ.

15:30 цагт МУБИС-д: Сурвалж бичиг судлалын нэрт эрдэмтэн, Төвөдч, ШУГЗ, Хэл бичгийн шинжлэх ухааны доктор, профессор Л.Хүрэлбаатар агсны мэндэлсний 80 жилийн ойд зориулсан “Академич Ц.Дамдинсүрэнгийн дэг сургууль, Л.Хүрэлбаатар багшийн боловсруулсан арга зүй” лекц болно.

19:00 цагт “Норпэй” арт галерейд: Уран бүтээлч О.Золбоотөгөлдөр “Нугарсан ч хугарахгүй II: Миний тусгаарлагдсан өдрүүдийн тэмдэглэл" үзэсгэлэнгээ нээнэ.

Монголын Урлагийн Зөвлөлөөс зохион байгуулдаг “Улаанбаатар” олон улсын кино наадам энэ сарын 15-ныг хүртэл үргэлжилнэ.

Намрын мод тарих өдрүүд энэ сарын 26-ныг хүртэл үргэлжилнэ.

-УДБЭТ-ын тайзнаа: Тус театрын уран бүтээлчид П.И.Чайковскийн "Хунт нуур" балетыг толилуулна.

-Бий контемпорари арт галерейн 5 жилийн ойн “40 GHz” үзэсгэлэн олны хүртээл болж байна.

МУЭ-ийн гишүүн уран бүтээлчдийн "Намар" уламжлалт үзэсгэлэнг толилуулж байна.

УДЭТ-ын уран бүтээлчид Л.Толстой “Анна Каренина” сонгодог жүжгийг тайзнаа толилуулна.

Монгол Улсын Ерөнхийлөгчийн Тамгын газар, Экологийн цагдаагийн алба, Мод үржүүлгийн чиглэлээр үйл ажиллагаа явуулж буй төрийн болон төрийн бус байгууллага, иргэдийн дэмжлэгтэй “Алтан намар-Тарьсан модоо арчилцгаая” мэдээлэл нөлөөллийн аян улсын хэмжээнд үргэлжилнэ.

Нийгмийн даатгалын ерөнхий газраас зохион байгуулж буй “Итгэлцлийн аян” энэ сарын 15-ныг хүртэл үргэлжилнэ.

-ХХААХҮЯ-наас улсын хэмжээнд “Импортын хүнсний худалдаа-хяналт” аяныг 11 дүгээр сарын 1-нийг хүртэл үргэлжилнэ.

"Соёлын орон зай-Бидний орчин" аян 11 дүгээр сарын 3-ныг хүртэл улс орон даяар үргэлжилнэ.

2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.

Токио хотод: “Монгол хаан” жүжгийг толилуулж эхэлнэ.

Хөвсгөл аймагт: Монголын Залуучуудын холбооны Хойд бүсийн чуулган эхэлнэ.

Архангай аймагт: Төрийн байгууллагын ажлын зохион байгуулалт, архив, албан хэрэг хөтлөлтийн төв комиссын улсын үзлэг үргэлжилж байна.

Өвөрхангай аймагт: 2025 оны II ээлжийн цэрэг татлага үргэлжилнэ.

Завхан аймагт: “Living in Space” буюу “Сансарт амьдрахуй” агуулгын хүрээнд “Дэлхийн сансрын 7 хоног”-ийг тэмдэглэж байна.