Өнөөдөр: “Монгол Улсад цэвэр технологи, инновацийн бизнесийг дэмжих замаар ногоон ажлын байр бий болгох“ төслийн нээлт болно

Өнөөдөр буюу 2025 оны 11 дүгээр сарын 3-ны Даваа /Саран/ гарагт болох зарим үйл явдлыг тоймлон танилцуулж байна.

09:00 цагт Новотел зочид буудалд: "Монгол Улсад цэвэр технологи, инновацийн бизнесийг дэмжих замаар ногоон ажлын байр бий болгох" төслийн нээлт болно.

09:00 цагт Уран зургийн галерейд: Төрийн шагналт, Урлагийн гавьяат зүтгэлтэн, Ардын зураач багш, МУБИС-ийн ДУТС-ийн Дүрслэх Урлагийн Тэнхимийн эрхлэгч Г. Одонгийн мэндэлсний 100 жилийн ойд зориулсан "Эрдэм шинжилгээний хурал-2025" болно.

Төрийн ордонд: УИХ дахь намын бүлгүүдийн хуралдаан болно.

Төрийн ордонд: УИХ-ын Байнгын хороодын хуралдаан болно.

11:00 цагт Үндэсний Статистикийн Хороонд: “Хүн ам, орон сууцны завсрын тооллого-2025”-ын талаар танилцуулах хэвлэлийн хурал болно.

11:00 цагт "Зууны мэдээ" сонины Үндэсний мэдээллийн төвд: Иргэдийн хөдөлгөөнөөс: "МАН, ИЗНН-ын нүүрсчдээс үндсэн хуулиа аваръя" сэдвээр мэдээлэл хийнэ.

11:00 цагт Хэвлэлийн хүрээлэнгийн Мэдээллийн төвд: “Хиймэл оюун ухаанаар дамжсан жендэрт суурилсан хүчирхийллийн эсрэг-Эмэгтэй сэтгүүлчдийн аюулгүй байдлыг хамгаалъя!" хэлэлцүүлэг болно.

Өнөөдөр: "Дэлхийн гүн ухааны өдөр" тохиож байна.

"Мишээл Экспо" олон улсын үзэсгэлэнгийн танхимд: "Цагаан алт" үндэсний хөдөлгөөний хүрээнд “Арьс шир, ноос ноолууран бүтээгдэхүүн-2025” үзэсгэлэн худалдаа болж байна.

УДБЭТ-ын тайзнаа: Монголын хөгжмийн зохиолчдын эвлэлийн холбооноос жил бүр зохион байгуулдаг "Алтан намар-2025" хөгжмийн наадам болно.

"HUE" арт галлерейд: Монгол, Германы уран бүтээлчдийн хамтарсан "Анагаагч эх дэлхий" олон улсын үзэсгэлэн энэ сарын 30 хүртэл гарч байна.

Төрийн шагналт, Урлагийн гавьяат зүтгэлтэн, Ардын зураач Г. Одонгийн мэндэлсний 100 жилийн ойд зориулсан “Ажлын дараа” үзэсгэлэн олны хүртээл болно.

ЮНЕСКО-гийн IAC Олон улсын уран бүтээлчдийн гишүүн Н.Сүхбүрэний “Нэгэн цул” үзэсгэлэн гарч байна.

2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.

Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.

Өмнөговь аймагт: “Монголын нэг өдөр” нүүдлийн үзэсгэлэнг Говийн байгаль, түүхийн музейд толилуулж байна.

Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.

Португал улсын Ерисейра хотын Жейми Лобо ба Силвагийн нэрэмжит Соёлын төвд: Зураач Г.Наранцацралын “Хувирал” үзэсгэлэн 11 дүгээр сарын 16-ныг хүртэл гарна.

Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.