.png){kind=logo}
Өнөөдөр буюу 2025 оны 12 дугаар сарын 9-ний Мягмар /Өлзийт/ гарагт болох зарим үйл явдлыг тоймлон танилцуулж байна.
Өнөөдөр: Авлигын эсрэг олон улсын өдөр тохиож байна
09:00 цагт АТГ-ын Олон нийтийн төвийн хурлын зааланд: “Нийслэлийн төсөв асуудал, шийдэл: Иргэдийн хяналт” хэлэлцүүлэг болно.
10:00 цагт Төрийн ордонд: УИХ-ын Байнгын хороодын хуралдаан болно.
10:30 цагт "Норпей" арт галерейд: “Дата эрх чөлөө: Иргэдийн хяналт” V үзэсгэлэнгийн нээлт болно.
11:30 цагт "Зууны мэдээ" сонины Үндэсний мэдээллийн төвд: БНХАУ-ын “Мен дун энержи” компанийн захирал Ли Жан Хуа “Олгой булаг” компанийн “Төхөм” уурхайд хөрөнгө оруулалт хийж хохирсон талаар мэдээлэл хийнэ.
12:00 цагт "Сүү" ХХК-ны байранд: БОНЗ-ын менежментийн тогтолцоо болон бүтээгдэхүүний баталгаажуулалтын гэрчилгээг гардуулна.
15:00 цагт Маркийн газар, Төв шуудангийн үйлчилгээний “А” заал, Шуудангийн үйлчилгээний 21, 36, 38, 46, 51-р салбаруудад: “Тусгаар тогтнолын бэлгэдэл төгрөг 100 жил” сэдэвт шуудангийн марк, анхны өдрийн дугтуйны худалдаа болно.
Үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИН НУТАГ сэдэвт видео контентын уралдааны бүтээлийг [email protected] и-мэйл хаягаар линк/холбоос хэлбэрээр энэ сарын 12-ныг хүртэл хүлээн авна.
Төрийн ордны “Их Эзэн Чингис хаан” танхимд: Монгол Улсын Их Хурлын хянан шалгах түр хорооны нотлох баримтыг шинжлэн судлах "Оюутолгой"-н нээлттэй сонсголыг энэ сарын 12-нийг хүртэл зохион байгуулна.
Хүүхэд хамгааллын “Асуудал-Шийдэл” сарын аяныг энэ сарын 10-ныг хүртэл зохион байгуулна.
Мал, тэжээвэр амьтдын 2025 оны тооллого энэ сарын 17-ныг хүртэл үргэлжилнэ.
Волейболын дээд лиг, сагсан бөмбөгийн дээд лиг үргэлжилж байна.
“Монгол арт галерей"-д: Соёлын гавьяат зүтгэлтэн, гэрэл зурагчин С.Цацралт, шог зураач С.Цогтбаяр нарын хамтарсан “Ардчиллыг бид хамтдаа авчирсан” үзэсгэлэн энэ сарын 11-нийг хүртэл гарна.
МУЭ-ийн Арт галерейд: “Тусгаар тогтнол” үзэсгэлэн энэ сарын 16-ныг хүртэл гарч байна.
“Бий контемпорари” арт галерейд: “Найм дахь удаагийн Контемпорари арт Монголиа” төсөл үзэсгэлэн энэ сарын 28-ныг дуустал гарна.
“Анагаагч эх дэлхий” үзэсгэлэн 2026 оны нэгдүгээр сарын 18-ныг дуустал үргэлжилнэ.
ОХУ-ын Сочи хотод: өсвөрийн жүдочдийн лиг энэ сарын 19-ныг хүртэл үргэлжилнэ.
Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.
