ӨНӨӨДӨР: “Монгол хэмээх нэрийн судалгаа” номын нээлт болно

Өнөөдөр буюу 2026 оны 4 дүгээр сарын 14-ний Мягмар /Өлзийт/ гарагт болох зарим үйл явдлыг тоймлон танилцуулж байна.

09:00 цагт Төрийн ордонд: УИХ дахь Байнгын хороодын хуралдаан болно.

11.00 цагт “Монгол ньюс” мэдээллийн төвд: Социал Демократ Монголын залуучуудын холбоо, ШУА, Монголын Залуу эрдэмтдийн Холбооноос хамтран “New normal-2026” эрдэм шинжилгээний хурал зохион байгуулах талаар мэдээлнэ.

12:00 цагт “Чингис хаан” үндэсний музейд: Монгол Улсын Ерөнхийлөгчийн Тамгын газар, Үндэсний аюулгүй байдлын зөвлөлийн Ажлын албанаас эрхлэн гаргасан “Монгол хэмээх нэрийн судалгаа” номын нээлт болно.

19:10 цагт “M Bank Arena” ордонд: Монголын сагсан бөмбөгийн холбооны “Үндэсний дээд лиг”-ийн FINAL тоглолт болно.

“Норпэй” арт галерейд: “Арту” урлангийн уран зургийн сургалтын насанд хүрэгчдийн ангийн суралцагчдын хамтарсан “Өнгөт гялбаа” үзэсгэлэнг нээнэ.

Уран зургийн галерейд: Уран бүтээлч Б.Отгонжаргалын “Хөх тал” модон баримлын үзэсгэлэн энэ сарын 19-ныг хүртэл гарна.

Г.Занабазарын нэрэмжит Дүрслэх урлагийн музейд: Судлаач, цуглуулагч Ц.Батсайханы “Монголын шашин соёлын өв дурсгал” цуглуулгын үзэсгэлэн энэ сарын 20-ныг хүртэл гарна.

Бангладеш улсад: Похела Бойшах буюу Бенгалын шинэ жилийг тэмдэглэнэ.

Аваргуудын лигийн тэмцээний шөвгийн наймын хариу тоглолтууд болно.

БНХАУ-ын Жинин хотод: Монгол Улс болон БНХАУ-ын ӨМӨЗО-ы Улаанцав аймгийн барилгын салбарын хамтын ажиллагааг өргөжүүлэх, бизнес эрхлэгчдийг холбох зорилготой бизнес уулзалт болж байна.

Нью-Йорк хотноо: ECOSOC буюу НҮБ-ын эдийн засаг, нийгмийн зөвлөлийн Залуучуудын чуулга уулзалт энэ сарын 16-нийг хүртэл болно.

Киприйн Пежейа хотноо: Дэлхийн аваргатай өрсөлдөх шатарчныг тодруулах тэмцээн энэ сарын 16-нийг хүртэл болно.

Швейцарын Женев хотноо: UNCTAD буюу НҮБ-ын Худалдаа, хөгжлийн комиссын 16 дугаар чуулган энэ сарын 17-ныг хүртэл болно.

Германы Мюнхен хотноо: Мэргэжлийн эрэгтэй теннисчдийн "BMW Open" тэмцээн энэ сарын 19-нийг хүртэл болно.

Германы Штутгарт хотноо: мэргэжлийн эмэгтэй теннисчдийн Porsche Tennis Grand Prix тэмцээн энэ сарын 19-нийг хүртэл болно.

Вашингтон хотноо: Олон улсын валютын сан, Дэлхийн банкны хаврын чуулга уулзалт болж, Төв банкуудын ерөнхийлөгч, Сангийн сайд нар дэлхийн эдийн засаг, санхүүгийн өнөөгийн төлөв байдлыг энэ сарын 19-нийг хүртэл хэлэлцэнэ.

ОХУ-ын нийслэл Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн долоодугаар сарын 19-нийг хүртэл гарна.