.png){kind=logo}
Сүмо бөх сонирхогч та бүхэндээ Японы мэргэжлийн сүмо бөхийн Нацү башёгийн 15 дахь буюу сүүлийн өдрийн /2026.05.24/ барилдааны тоймыг толилуулж байна.
Нацү башёгийн 15 дахь өдрийн барилдааны эхэнд Деванорюү Т.Тэмүүлэн/Жюүро-3/ Ошоүми/М-15/-тэй хүч үзэн түүнийг шитатэнаге мэхээр давснаар 7 даваа, 8 унаатай башёг дуусгалаа.
Асахакүрюү Р.Жамъянтогтох/М-8/ башёгийн 15 дахь өдөр Ваканошо/М-16/-той таарч барилдан түүнд цүкиотоши мэхээр унаснаар 5 даваа, 10 унаатай болж, харин Ваканошо 9 даваатай башёг өндөрлүүлэв
Хакүнофүжи/М-10/ энэ өдөр Фүжисэйүн/М-6/-тэй оноолт тааран барилдаж түүнийг хатакикоми мэхээр давснаар энэ башёг 11 даваа, 4 унаатай амжилттай өндөрлүүлж байна.
Рога А.Амарсанаа/М-14/ башёгийн сүүлийн өдөр Гонояама/М-4/-тай таарч барилдан түүнийг ёритаоши мэхээр давснаар 9 даваа, 6 унаатай башёг дуусгаж байна.
Тамаваши Б.Мөнх-Оргил/М-13/ 15 дахь Хирадоүми /М-3/-тэй учраа тааран барилдаж түүнд ёрикири мэхээр унаснаар 2 даваа, 13 унаатай башёг дуусгалаа. Бэртэл гэмтэл авсан ч башёг өнжилгүй барилдсан Тамаваши ийнхүү 13 жилийн дараа Жюүро-д барилдахаар болж байна.
Ёшинофүжи/М-2/ өнөөдөр Котоейхо/М-13/-той оноолт таарч түүнийг ёрикири мэхээр хаяснаар 11 даваа 4 унаатай, харин Котоейхо 10 даваа, 5 унаатай энэ башёг дуусгаж байна.
Таканошёо/М-1/ энэ өдөр Чиёошома Г.Мөнхсайхан/М-7/-тай барилдаж түүнийг хатакикоми мэхээр хаяж 7 даваатай болсон бол Чиёошома 5 даваа, 10 унаатай башёг дуусгалаа.
Сэкиваке Атамифүжи Ошёома П.Дэлгэрбаяр /М-8/-тай энэ өдөр учраа тааран барилдаж түүнийг ошидаши мэхээр давснаар 9 даваа, 6 унаатай, Ошёома 8 даваа, 7 унаатай Нацү башёг өндөрлүүлж байна.
Комүсүби Вакатакакаге башёгийн сүүлийн өдөр Фүжирёога/М-17/-тай учраа тааран барилдаж түүнийг катасүкаши мэхээр хаяснаар 12 даваа, 3 унаатай болж энэ башёгийн түрүү бөхийн төлөө барилдахаар болов.
Озэки Киришима Б.Лхагвасүрэн өнөөдөр Ура/М-11/-тай учраа таарч барилдан түүнийг ошитаоши мэхээр давснаар 12 даваа, 3 унаатай болж түрүү бөхийн төлөө Комүсүби Вакатакакаге-тэй нэмэлт барилдаан хийхээр боллоо.
Нацү башёгийн түрүү бөхийн нэмэлт барилдаанд Комүсүби Вакатакакаге Озэки Киришима Б.Лхагвасүрэнг ошидаши мэхээр хаяснаар түрүү бөхөөр тодорч, Японы Эзэн хааны цомыг 2 дахь удаагаа хүртлээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!