.png){kind=logo}
Аргын тооллын 2023 оны 5 дугаар сарын 06. Бямба /Асралт/ гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Хаврын адаг Улаан луу сарын шинийн 16, Санчир /Асралт/ гараг. Онгоц одтой, долоон улаан мэнгэтэй, хөх хулгана өдөр.
Өдрийн наран 05 цаг 27 минутад мандан, 20 цаг 11 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр гэмтнийг шийтгэх, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу.
Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Зуны уур орох /2 цаг 34 минут/ Үс шинээр үргээлгэх буюу засуулахад тохиромжгүй, өвчин ирнэ хэмээжээ.
