.png){kind=logo}
2019 онд батлагдсан “Хүүхдийн зуслангийн үйл ажиллагаа Ерөнхий шаардлага MNS 5633:2019” стандартыг хүүхэд хөгжил, хамгааллын стандартчиллын техникийн хорооны ээлжит хуралдаанаар дахин хянаж, шинэчлэн баталлаа.
“Хүүхдийн зуслангийн үйл ажиллагаа Ерөнхий шаардлага MNS 5633:2019” стандартын хамрах хүрээ нь Монгол Улсын нутаг дэвсгэр дээр хүүхдийн амралт, зуслангийн үйл ажиллагаа эрхэлж, үйлчилгээ үзүүлдэг өмчийн бүх хэлбэрийн зуслангуудын үйл ажиллагааг төлөвлөх, хэрэгжүүлэх, зохион байгуулах, үйлчилгээний явц, чанар, болон хүүхдийн хөгжил, оролцоо, хамгаалалд хяналт тавих, үнэлэхэд хэрэглэгддэг юм.
Манай улсын нийт залуучуудын 19.7 хувь нь сургууль, сургалтад хамрагдаагүй, хөдөлмөр эрхэлдэггүй гэсэн тоон үзүүлэлт байна. Үүнтэй холбоотойгоор “Залуучуудын хөгжлийн төвийн үйлчилгээний нийтлэг шаардлага” стандартыг шинээр батлахаар хэлэлцэхэд, гишүүдийн олонх дэмжсэн байна.
“Залуучуудын хөгжлийн төвийн үйлчилгээний нийтлэг шаардлага” стандарт нь Монгол улсад үйл ажиллагаа явуулж буй (өмчийн бүх хэлбэрийн) Залуучуудын хөгжлийн төвийн үйлчилгээнд тавих нийтлэг шаардлагыг тогтоож, мөрдүүлэх нь зүйтэй юм.
