.png){kind=logo}
Өнөөдөр буюу 8 дугаар сарын 10-ны Пүрэв /Бадрангуй/ гарагт болох зарим үйл явдлын тоймлон танилцуулж байна.
09.30-10.00 цагт Төрийн ордонд: Монголч эрдэмтдийн Их хурлын үйл ажиллагаа эхэллээ. Олон улсын Монголч эрдэмтний XII Их хурал нь Монгол Улсын Ерөнхийлөгч У.Хүрэлсүхийн ивээл дор “Монголын Энхтайван ба түүхэн туршлага” сэдвээр энэ сарын 10-13-нд Улаанбаатар хотноо болж байна.
09.00 цагт “Холидэй Инн” зочид буудалд: “Хүрээлэн буй орчны шинжлэх ухаан ба технологи-2023” (EST-2023) олон улсын эрдэм шинжилгээний бага хурал болно. Утас: 8800-7709- 9211-7709.
11.00 цагт “Зууны мэдээ” сонины мэдээллийн төвд:“Ногдол ашгаа авахын төлөө төр, засгаас дэмжлэг хүсэж байна” сэдвээр иргэдийн төлөөллөөс мэдээлэл хийнэ.
11:30 цагт “Зууны мэдээ” сонины мэдээллийн төвд: Хот хоорондын тээвэр эрхлэгчдийн холбооноос Авто вокзалыг нүүлгэн шилжүүлэхтэй холбоотой асуудлаар мэдээлнэ.
14.00 цагт “Чингис хаан”-ы музейд: “Солонгос улсаас бүртгэгдсэн Дэлхийн соёлын өв Пэгжэгийн түүхэн дурсгалт газар” гэрэл зургийн үзэсгэлэн нээгдэнэ. Үзэсгэлэнг нь Чингис хаан Үндэсний музей болон БНСУ-ын Бүёогийн Үндэсний музейн хооронд байгуулсан “Соёлын солилцоо, хамтын ажиллагааны харилцан ойлголцлын санамж бичиг”-ийн хүрээнд зохион байгуулж байна.
