.png){kind=logo}
Өнөөдөр буюу 2023 оны 9 дүгээр сарын 08-ны Баасан /Гэгээн/ гарагт болох зарим үйл явдлын тоймлон танилцуулж байна.
УИХ-ын дарга Г.Занданшатарын урилгаар Бүгд Найрамдах Ардчилсан Лаос Ард Улсын Үндэсний Ассамблейн дарга Сайсумпон Фумвихан энэ сарын 7-10-нд Монгол Улсад албан ёсны айлчлал үргэлжилнэ.
09.00 цагт Новотел зочид буудалд: Pearson English англи хэлний сургалтын хөтөлбөр болон Pearson BTEC олон улсын IT хөтөлбөрийн нээлт болно.
11.30 цагт “Зууны мэдээ” сонины “Үндэсний мэдээллийн төв”-д: Италийн хүүхдийн хөл бөмбөгийн сургалт Монголд арга хэмжээ эхэлнэ. 2006 оны дэлхийн аварга, алдарт хөл бөмбөгчин Жанлука Замброта хэвлэлийн хуралд оролцоно.
12.00 цагт “Зууны мэдээ” сонины “Үндэсний мэдээллийн төв”-д: Ард Түмний Хурлын ерөнхий зохицуулах зөвлөлөөс Ард Түмний хурлын тухай мэдэгдэл хүргэнэ.
Монголын Уран зургийн галерейн үзэсгэлэнгийн танхимд: СУИС, Уран зургийн галерей, “Амгалан Ертөнц” сан хамтран Монгол Улсын Төрийн Соёрхолт, Ардын зураач Дагдангийн Амгалангийн мэндэлсний 90 жилийн ойд зориулсан “Бидний мөрөөдөл” уран зургийн үзэсгэлэн үргэлжилж байна.
МУЭ-ийн Арт галерейд: Монгол Улсын Дүрслэх урлагийн академийн хүндэт профессор, зураач С.Дагвадорж, уран бүтээлч Д.Дөлгөөн нарын хамтарсан "Алтан огтлолцол" уран бүтээлийн үзэсгэлэн есдүгээр сарын 10-ныг хүртэл үзэгчдийн хүртээл болно.
