.png){kind=logo}
"Түмэн тэмээний баяр - 2023” өвлийн наадам Өмнөговь аймагт Даланзадгад хотод 3 дугаар сарын 05-07-ны өдрүүдэд 27 дахь удаагаа болно.
Наадмын үеэр шилмэл тэмээний дуудлага худалдаа, тэмээн поло тэмцээний тоглолтууд, тайлаг тэмээний бооцоот уралдаан, “Гоё тэмээтэй сайхан хос”-ын шалгаруулалт, 4х500 метрийн тэмээтэй буухиа уралдаан болж, “Тэмээ - Миний найз” хүүхдийн гар зургийн уралдааны бүтээлийн үзэсгэлэн гаргана.
Мөн Даланзадгад хотын төвд шинээр байгуулагдсан, нутгийн иргэдийн бүтээсэн, гар урлал, уран зураг, хүнсний бренд бүтээгдэхүүний худалдаа зэрэг олон арга хэмжээ зохион байгуулах юм байна.
