.png){kind=logo}
Өнөөдөр буюу 2023 оны 12 дугаар сарын 26-ны Мягмар /Өлзийт/ гарагт болох зарим үйл явдлыг тоймлон танилцуулж байна.
10.00 цагт Төрийн ордонд: УИХ-ын ажлын хэсэг болон байнгын хороодын хуралдаан болно.
11.00 цагт ЭМЯ-нд: Томуу өвчний нөхцөл байдал, эмнэлгийн тусламж үйлчилгээ, халтиргаа гулгаанаас үүдэлтэй осол гэмтлээс урьдчилан сэргийлэх, шинэ жилийн баяртай холбоотой хоол хүнсний аюулгүй байдлыг хангах талаар мэдээлж, зөвлөнө. Утас: 9612-1060.
12.00 цагт ОХУ-ын ЭСЯ-нд: Халхын голын 85 жилийн ойг угтан 1939 оны Халхгол, 1945 оны Чөлөөлөх дайнд оролцсон фронтын сувилагч, өдгөө 100 настай ахмад дайчин Цэрэнгийн Чимидцэрэнтэй уулзалт зохион байгуулна.
12.00 цагт “Зууны мэдээ” мэдээллийн төвд: Монгол Улсын СГЗ, Д.Нацагдоржийн нэрэмжит болон МЗЭ-ийн шагналт зохиолчид “Үндэсний эрх чөлөө, тусгаар тогтнол, эх орон, газар шороо” сэдвээр, цаг үеийн асуудлаар төр, засагт өргөх бичиг хүргүүлж буй талаар мэдээлнэ.
16.00 цагт: ХЭҮК-оос “Хүний эрхийн төлөө” клубын сэтгүүлчидтэй судалгаа болон цаг үеийн асуудлаар чөлөөт уулзалт хийнэ. Утас: 9902-8438.
18.00 цагт Д.Сүхбаатарын талбайд: Шинэ жилийг угтан өдөр бүр урлагийн тоглолт хийж байна. Өнөөдөр Монгол Улсын Консерваторийн саксофончин Ц.Нямгэрэлийн жазз хөгжмийн тоглолт болно.
Монголын хүүхдийн ордонд: Өдөр бүр Харшийн сүлд модны наадам болж байна. Шинэ жилийн наадам 12-р сарын 25-30 хүртэл үргэлжилнэ.
-МУЭ-ийн үзэсгэлэнгийн танхимд: Оны шилдэг бүтээлүүдийн үзэсгэлэн үргэлжлэн гарч байна.
