.png){kind=logo}
Өнөөдөр буюу 2024 оны 3 дугаар сарын 19-ний Мягмар /Өлзийт/ гарагт болох зарим үйл явдлыг тоймлон танилцуулж байна.
09.00-12.00 цагт Төрийн ордонд: УИХ-ын ажлын хэсэг, байнгын болон дэд, түр хорооны хурлууд болно.
09.30 цагт “Шангри-Ла” зочид буудалд: Монгол дахь Америкийн худалдааны танхим (АмЧам) ээлжит хурлаа “Уршиггүй уул уурхай” сэдвээр зохион байгуулна. Уулзалтад УУХҮЯ, Монголын Үндэсний уул уурхайн холбоо, “Рио Тинто", “Бадрах Энержи”, “Терра Эксплорерз” ХХК-ийн удирдлага, төлөөлөл оролцож, салбарын үр өгөөж, нийгэм, эдийн засагт үзүүлэх нөлөөлөл, хөрөнгө оруулалтын талаар хэлэлцэж, санал солилцоно.
11.00-18.00 цагт ГССҮТ-д: Турк улсын “Мемориал” эмнэлгийн тархи мэдрэд, нуруу нугасны мэс заслын эмч, доктор, профессор Онур Ямон Монголын эмч нартай хамтарсан хагалгаа хийнэ. Утас: 9904-6934.
11.00 цагт “Зууны мэдээ” сонины мэдээллийн төв”-д: УИХ-ын 2024 оны сонгуульд 126 гишүүний 20 хувийг 35-аас доош насны залуучуудыг нэр дэвшүүлэх саналыг намуудад хүргүүлэх талаар иргэн Б.Өлзийбат хэвлэлийн хурал зарлажээ.
14.00 цагт “Мишээл Экспо”-д: “Гэрэл зургийн 7 хоног” нэгдсэн үзэсгэлэн нээгдэнэ.
Энэ өдрүүдэд: “Оюутолгой” компаниас зохион байгуулж буй “Байгаль хамгаалагч нар туршлагаа хуваалцах хөтөлбөр” үргэлжилж байна.
Өнөөдөр: Үндэсний урлагийн их театр (ҮУИТ)-ын уран бүтээлчид “Нарны домог” ардын бүжгийн домгийг толилуулна.
Өнөөдөр: Монгол, Тайванийн 20 дахь удаагийн бизнес уулзалт Тайпэй хотноо болно.
