.png){kind=logo}
Олон улсын эмэгтэйчүүдийн эрхийг хамгаалах өдөр буюу 3 дугаар сарын 8-нд улс даяар бүх нийтээрээ амардаг бөгөөд энэхүү "Мартын-8"-ны баярын өдөр Улаанбаатар хотноо болох урлаг, соёлын тоглолтуудын талаар та бүхэнд танилцуулж байна.
Дуучин Даваагийн Бурмаагийн "Торгомсог" тоглолт Монгол бөхийн өргөөнд өнөөдөр 19.00 цагт болно. Тасалбарын үнэ 30-40 мянган төгрөг.
"Үзэсгэлэн болгогч..." Мартын 8-ны маргаангүй хитүүд нэгдсэн концерт өнөөдөр UB palacе концертын их танхимд 15.00, 19.00 цагуудаас тус тус болно. Улаанбаатар зочид буудлын Их танхимд өнөөдөр 19.00 цагт болох тоглолтын тасалбар 150-200 мянган төгрөгийн үнэтэй байна.
"Миний ээж хөөрхөн" тоглолт маргааш 14.00, 19.00 цагуудад Улаанбаатар паласт болно. Тасалбарын үнэ 25-40 мянган төгрөг.
"Бүх хайрыг бүсгүйчүүддээ" тоглолт маргааш Бөхийн өргөөнд 15.00, 19.00 цагаас тус тус болно. Тасалбарын үнэ 35-40 мянган төгрөг.
Олон улсын эмэгтэйчүүдийн баярт зориулан "No Name" хамтлаг Мини концертоо толилуулах гэж байна. Тоглолт УИД-ийн 7 дугаар давхарт болно.
"Жаргаж дуул, жаргаж инээ" шоу тоглолт МҮЭСТО-нд өнөөдрөөс эхлэн энэ сарын 12-ныг дуустал болно. Тасалбарын үнэ 25 мянган төгрөг. Тоглолтод "Шинэ үе" продакшн, дуучин Б.Болд, Х Мөнгөнцэцэг нар оролцоно.
𝗟𝗮𝗱𝗶𝗲𝘀 𝗙𝗶𝗿𝘀𝘁 𝗹𝗶𝘃𝗲 𝗺𝘂𝘀𝗶𝗰 𝗰𝗼𝗻𝗰𝗲𝗿𝘁 Олон улсын эмэгтэйчүүдийн эрхийг хамгаалах өдөрт зориулсан амьд хөгжмийн тоглолт Корпорэйт энд конэвншион төвд маргааш 19.00 цагт болно.
Мөн маргааш "Бүсгүй танаа" тоглолт МҮЭСТО-нд 17.00 цагаас болно. Тасалбарын үнэ 30 мянган төгрөг.
"Зохиолгүй амьдрал" зууны шилдэг инээдмийн жүжгийг "Х ТҮЦ" продакшны жүжигчид Монголын хүүхдийн ордонд өдөр бүр 19:00 цагаас толилуулж байна.
"Инээмтгий хүн" визуал драмын жүжгийг Оросын соёл, боловсрол, шинжлэх ухааны төвд 20.00 цагт толилуулна.
Францын алдарт зохиолч Виктор Хюгогийн туурвисан бүтээлүүдийн ноён оргил болох "Инээмтгий хүн" романыг Pro театрын уран бүтээлчид тайзны бүтээл болгон туурвижээ.
Тус жүжгийг Оросын соёл шинжлэх ухааны төв буюу РЦНК-д нээсэн бөгөөд дөрөвдүгээр сарын 2-ныг дуустал тоглох юм байна.
Жүжгийн үйл явдал нь XVII-XVIII зууны зааг үед Англид өрнөнө. Энэ зохиолд Лорд Линней Кленчарлийн азгүй хайр дурлал, золгүй хувь тавиланг зүрх шимширмээр өгүүлсэн байдаг бөгөөд тэрээр юу ч мэдэхгүй нялх багадаа муу хүмүүсийн гарт орж үзэшгүй муухайгаар зэрэмдэглүүлэх ба Гуинплен хэмээх нэр зүүж хэрмэл жүжигчин болдог.
“Анна Каренина” жүжгийг Улсын драмын эрдмийн театрт өнөөдрөөс энэ сарын 12-ныг хүртэл тоглоно. Тасалбарын үнэ 30-80 мянган төгрөг. Тус театр энэ жүжгийг 2021 оны эхээр анхлан толилуулж байсан юм.
"Мөрөөдлийн театр"-ын уран бүтээлчид СГЗ, нэрт сэтгүүлч Ц.Балдоржийн зохиол "Шөнө буусан аадар" драмын жүжгийг дахин найруулан тайзнаа дэлгэсэн. Энэ жүжгийг Соёлын төв өргөөнд өдөр бүр 19.00 цагаас толилуулах бөгөөд тасалбарын үнэ 25-60 мянган төгрөг.
