.png){kind=logo}
Өнөөдөр буюу 2024 оны 4 дүгээр сарын 12-ны Баасан /Бадрангуй/ гарагт болох зарим үйл явдлыг тоймлон танилцуулж байна.
Төрийн ордон болон "Чингис хаан"-ы Үндэсний музейд: Монголын Багш нарын VIII их хурал үргэлжилнэ.
Төрийн ордонд: УИХ-ын нэгдсэн чуулганы хуралдаантай.
09.00 цагт “Кемпински” зочид буудалд: НҮБ-ын Хөгжлийн хөтөлбөрөөс хэрэгжүүлж буй “Уул уурхайн салбарын байгаль орчны засаглалыг сайжруулах” төслийн үр дүнг танилцуулна. Утас: 9972-4869.
10.00 цагт МҮХАҮТ-д: “ТОП-100” ААН оролцсон “Нээлттэй компани болохын давуу тал, хөрөнгийн зах зээлд үзүүлэх үр нөлөө” хэлэлцүүлэг болно. Утас 9119-7636.
10.00 цагт “Туушин” зочид буудалд: Жендэрийн Үндэсний хорооноос “Жендэрийн эрх тэгш байдлын хангахад улстөрийн намуудын дунд шатны байгууллагын үйл ажиллагааг чиглүүлэх нь” уулзалтыг нам тус бүрээр зохион байгуулж байна. Утас: 9988-5696.
12.00 цагт: МУИС-ийн хичээлийн 3 дугаар байрны барилгын ажлыг эхлүүлэх ёслолын ажиллагаа болно. Утас:9458-2204.
11.30 цагт “Зууны мэдээ” сонины мэдээллийн төвд:: “Чингисийн монгол төр” мэргэжлийн холбооноос Монгол Улсын 3.5 сая иргэний мөнхийн эрх ашиг” сэдвээр мэдээлэл хийнэ.
12.00 цагт: Үндэсний төв номын санд: МЗЭ-ийн нэрэмжил шагналт, “Болор цом”-ын эзэн, нэрт яруу найрагч Тоомойн Очирхүү агсны 80 жилийн ойн бүтээлийн чуулган, номын нээлт болно.
12.00 цагт: “Татварын хөгжил- дэвшил” ТТБ-аас Татварын мэргэшсэн зөвлөх үйлчилгээний хуульд нэмэлт өөрчлөлт оруулах хуулийн төслийг Хууль тогтоомжийн тухай хууль зөрчин боловсруулж өргөн мэдүүлсэн талаар танилцуулна.
