.png){kind=logo}
Саудын Араб улсад 2027 онд зохион байгуулагдах Азийн Цомын тэмцээний урьдчилсан шатанд өрсөлдөх багуудыг сонгон шалгаруулах Плэй-Оффын тоглолтын сугалаа өнөөдөр Малайзын Куала Лумпур хотод боллоо.
Монголын Үндэсний шигшээ баг уг тэмцээний хэсгийн шатны өмнөх Плэй Оффын тоглолтыг Зүүн Тиморын шигшээ багийн эсрэг хийхээр сугалаа татсан байна.
Тус плейоффын эхний тоглолт 9 дүгээр сарын 05-нд өрсөлдөгч багийн талбайд болох бол хариу тоглолт 9 дүгээр сарын 10-нд Монгол улсад болохоор товлогдсон бөгөөд хоёр тоглолтын нийлбэр дүнгээр ялагчийг тодруулж, хэсгийн шатанд өрсөлдөх боломжтой болох юм.
Манай шигшээ багийн хувьд өмнө нь Зүүн Тиморын шигшээ багтай 2015 онд ДАШТ-ний урьдчилсан шатны өмнөх Плэй Офф шатанд учраа таарч байсан билээ.
Эх сурвалж: Монголын хөлбөмбөгийн холбоо
