Ерөнхийлөгч У.Хүрэлсүх ес дэх удаагийн сонгуулиар байгуулагдсан УИХ-ын анхдугаар чуулганыг нээж үг хэлэв
 
Энэ мэдээ хуучирсан буюу 2024/07/02-нд нийтлэгдсэн мэдээ болно.
Ангилал
Нийгэм Бусад
Огноо
Унших
15 минут 25 секунд

Ерөнхийлөгч У.Хүрэлсүх ес дэх удаагийн сонгуулиар байгуулагдсан УИХ-ын анхдугаар чуулганыг нээж үг хэлэв

Монгол Улсын Ерөнхийлөгч Ухнаагийн Хүрэлсүхийн Их Хурлын ес дэх удаагийн сонгуулиар байгуулагдсан Улсын Их Хурлын анхдугаар чуулганыг нээж хэлсэн үгийг бүрэн эхээр нь хүргэж байна.

“Эрхэм хүндэт ард иргэд ээ,

Монгол Улсын Их Хуралд шинээр сонгогдсон эрхэм гишүүд ээ,

Хүндэт зочид оо,

Монгол төрийн өндөр босгыг давж ард түмнийхээ итгэл, найдварыг хүлээн, өргөн дэмжлэгийг авч, нийт иргэн, улсын ашиг сонирхлыг дээдэлж, эх орон, ард түмнийхээ төлөө хүчин зүтгэхээр төрийн түшээгээр сонгогдсон Та бүхэнд энэ өдрийн мэндийг хүргэж, амжилт хүсье.

Монгол Улсын сонгуулийн эрх бүхий иргэд нийтээрээ чөлөөтэй, шууд сонгох эрхийн үндсэн дээр саналаа нууцаар гаргаж, төрийн эрх барих дээд байгууллага УИХ-ыг сонгон байгууллаа.

Монголчууд бид өдгөөгөөс 100 жилийн өмнө анхдугаар Үндсэн хуулиа баталж, хаант засаг, хамжлагат ёсыг халж, Бүгд найрамдах засгийг сонгон, эрэгтэй, эмэгтэй хүн адил тэгш эрхтэй байж, сонгох, сонгогдох эрхээ баталгаажуулж байсан бахдам түүхтэй ард түмэн билээ.

Улмаар 1992 онд Ардчилсан шинэ Үндсэн хуулиа батлан тусгаар тогтнол, хүний эрх, эрх чөлөө, ардчиллын зарчмыг бататган бэхжүүлж, парламентын 9 дэх удаагийн сонгуулиа амжилттай зохион байгуулан, Үндсэн хуулийн өөрчлөлтөөр баталгаажсан 126 гишүүнтэй анхны УИХ байгуулагдлаа.

Энэ удаагийн УИХ-ын сонгуульд 19 нам, 2 эвсэл, 42 бие даагч иргэн буюу нийт 1,341 нэр дэвшигч өрсөлдөж, ардчилсан Монгол Улсын сонгуулийг ажиглахаар гадаадын 21 байгууллагын 40 гаруй орны 259 ажиглагч, мөн дотоодын 30 орчим мянган ажиглагч сонгуулийн үйл явцад хяналт тавин ажиллалаа.

УИХ-ийн ес дэх удаагийн энэ сонгуульд манай ард иргэд ардчилсан Монгол орныхоо бүрэн эрхт эзэн нь байж, урьд өмнөхөөсөө илүү өргөн оролцоотойгоор сонгох, сонгогдох эрхээ эдэллээ.

Төрт ёсны аугаа түүхтэй, Азийн цээжин дэх ардчилсан Монгол Улсын төрийн сонгууль хуулийн хүрээнд, ардчилсан ёс, шударга ёс, эрх чөлөө, тэгш байдал, үндэсний эв нэгдлийг ханган амжилттай зохион байгуулагдаж өндөрлөлөө.

Засгийн бүх эрх ард түмний мэдэлд байх Үндсэн хуулиар олгогдсон бүрэн эрхээ баталгаажуулан, төрийн эрх барих дээд байгууллагын төлөөлөгчдөө сонгох сонгуульд идэвхтэй оролцсон нийт иргэд, сонгогчдодоо болон хилийн чанадад суугаа монголчууддаа гүн талархал илэрхийлье.

Мөн ард иргэдийнхээ сонгох, сонгогдох эрхийг эдлэх нөхцөл, боломжийг хангаж, хуулийн хүрээнд ажилласан СЕХ, сонгуулийн бүх шатны хороодод ажилласан 40 гаруй мянган төрийн алба хаагч болон сонгуулийн мэдээ мэдээллийг түргэн шуурхай, ил тод, цаг алдалгүй түгээн ажилласан гадаад, дотоодын хэвлэл мэдээллийн ажилтнуудад гүн талархал илэрхийлье.

Эрхэм хүндэт төрийн түшээд ээ,

Өргөн түмнийхээ итгэлийг хүлээж, өндөр төрийнхөө түшээгээр сонгогдсон Та бүхэн Үндсэн хууль болон бусад хуульд заасны дагуу төр засгаа эмхлэн байгуулж, түмэн олныхоо төлөөх эрхэм үйл хэрэгтээ цаг алдалгүй шамдан ажиллах шаардлагатай байна.

Энэ мөчөөс эхлэн төрийн түшээд Та бүхэн хувийн ашиг сонирхлоос ангид байж, нийт ард иргэд, улсын ашиг сонирхлыг эрхэмлэн, төр, түмэндээ өргөсөн тангарагтаа үнэнч байж, амласан амлалтаа биелүүлэх цаг хугацаа ийнхүү эхэлж байгааг цохон тэмдэглэе.

УИХ-ын энэхүү эрхэм танхимд хувь хүний хэрүүл маргаан биш, улс орны хөгжил дэвшлийн төлөөх бодлогын мэтгэлцээн өрнөж, хувийн явцуу эрх ашиг биш, улс орны язгуур эрх ашгийн төлөөх бодлогын хэлэлцүүлэг өрнөдөг байх учиртай. Үүнийг ч ард түмэн Та бүхнээс хатуу шаардаж байна.

УИХ-ын гишүүний бүрэн эрх, албан тушаалын уг сурвалж нь ард түмнээс эхтэй гэдгийг Та бүхэн ямагт санаж яваарай.

Парламент бол ард түмний хураангуй, Та бүхэн бол ард түмний төлөөлөл, төр, засаг, түмэн олныг холбох гүүр юм шүү.

“Хүн нэрээ, тогос өдөө” гэж ардын сайхан үг байдаг. УИХ-ын гишүүн, төрийн түшээ гэсэн энэхүү эрхэм хүндтэй нэр хүндийг Та бүхэн нэр төртэй, өндөрт өргөн, хариуцлагатай авч явахыг хүсье.

Өнгөрсөн дөрвөн жилийн хугацаанд хүн төрөлхтөн, дэлхий нийтээрээ цар тахал, геополитикийн зөрчил, мөргөлдөөний амаргүй цаг үеийг хамтдаа туулж, монголчууд биднээс үл хамаарах хүндрэл, бэрхшээлүүд улс орны эдийн засаг, ард түмний амьдрал ахуйд хүндээр тусаж ирлээ.

Хэдийгээр нөхцөл байдал амаргүй байсан ч гэсэн манай төр, засаг, ард түмэн, баялаг бүтээгчидтэйгээ хамтран энэхүү хүнд үеийг хохирол багатай даван туулж, энэ оны эхний улирлын байдлаар улсынхаа эдийн засгийг 7.8 хувиар өсгөж чадлаа.

Шинээр бүрдэж буй УИХ, Засгийн газар энэхүү эдийн засгийн өсөлтийг улам баталгаажуулан, үр шимийг нь өрх бүрд хүргэж, монгол хүн бүрийн аж амьдралд бодит үр өгөөжөө өгсөн эдийн засгийн бодлогыг нэн тэргүүнд хэрэгжүүлэх шаардлагатай байна.

Монгол хүн эх орон, газар нутагтаа эзэн байж, байгалийн баялгийнхаа үр шимийг адил тэгш хүртэх учиртай.

Монгол хүн, монголын ард түмэн хэзээ ч эх орон, байгалийн баялгаа бусдад алдах ёсгүй.

Эх орондоо эзэн байна гэдэг бол байгалийн баялагтаа эзэн байна гэсэн үг. Баялагтаа эзэн монголын төлөө төр засаг түмэн олноороо хамтран ажиллах учиртай.

Монгол Улсын Их Хурал Үндсэн хуулиас эхтэй Үндэсний баялгийн сангийн тухай хуулийг баталж чадсан нь байгалийн баялгаа төр, ард түмнийхээ мэдэлд байлгаж, үр шимийг нь иргэн бүр тэгш хүртэх эрх зүйн шинэчлэл, тогтолцооны өөрчлөлтийн эхлэл боллоо.

Энэхүү Баялгийн сангийн үр өгөөжийг нэн тэргүүнд ард иргэдийнхээ боловсрол, эрүүл мэнд, орон байрыг шийдэх, үндэсний үйлдвэрлэлийг дэмжихэд чиглүүлэх учиртай.

Энэ нь харьцангуй залуу ард иргэдтэй манай улсын хувьд ирээдүй хойч үедээ оруулж буй үнэт өв, өвлүүлэн үлдээх бодит хөрөнгө оруулалт болох юм.

Өнгөрсөн 100 жил монголчууд бидний хувьд улс орныхоо тусгаар тогтнол, бүрэн эрхт байдлыг бататган бэхжүүлж, дэлхий дахинаа хүлээн зөвшөөрөгдөж, орчин цагийн ардчилсан Монгол Улсыг цогцлоон байгуулсан “Тусгаар тогтнол, хөгжил дэвшил”-ийн агуу зуун байсан.

Харин энэ зуун бол монголчууд бидний хувьд ардчилсан төр улсаа улам хөгжүүлж, “Их бүтээн байгуулалт, эдийн засгийн аюулгүй байдлаа ханган бэхжүүлсэн зуун” байх учиртай.

Тиймээс Монгол Улсын Ерөнхийлөгч “100 жил – 10 зорилт” хөгжлийн санаачилгыг дэвшүүлснийг Та бүхэн мэдэж байгаа.

Энэ хүрээнд улс орны аюулгүй байдал, оршин тогтнохуйн үндэс болсон байгаль орчин, үндэсний үйлдвэрлэл, стратегийн ордууддаа онцгой анхаарч, хүнс, эрчим хүч, нефть, шатахуунаар дотоодын хэрэгцээг хангах аж үйлдвэржилтийн бодлогыг хэрэгжүүлж, худалдаа хөрөнгө оруулалтыг нэмэгдүүлэх шаардлагатай байна.

Нэн ялангуяа хүнд болон хөнгөн үйлдвэрийн цогцолборуудыг ашиглалтад оруулах, дэд бүтэц, төмөр зам, транзит тээвэр, хил боомтоо хөгжүүлэх зэрэг их бүтээн байгуулалтын томоохон төслүүдээ шуурхайлах шаардлагатай.

Мөн Монгол Улсын Ерөнхийлөгчийн санаачилсан “Хүнсний хувьсгал”, “Тэрбум мод”, “Эрүүл монгол хүн”, “Цагаан алт” зэрэг өөр хоорондоо харилцан уялдаа холбоотой үндэсний хөтөлбөрүүд, Шинэ Хархорум хотыг сэргээн байгуулах их бүтээн байгуулалтын ажлыг шинэ УИХ, Засгийн газар бодит ажил хэрэг болгох ёстой.

Төрийн тэргүүн ард түмнийхээ нэрийн өмнөөс Та бүхний үйл ажиллагаанд хатуу хяналт тавьж, шахаж, шаардаж, бодит үр дүн нэхэж ажиллах болно гэдгээ анхдугаар чуулганы энэ хүндэт индрээс сануулж байна.

Эрхэм нөхөд өө,

Монгол Улсын Ерөнхийлөгч нийгэмд шударга ёс тогтоохын төлөө, хүн засагладаггүй, хууль засагладаг ардчилсан, шударга төрийг жинхэнэ утгаар нь байгуулахын төлөө хичээн зүтгэхээ ард түмэндээ хэлснийг Та бүхэн мэдэж байгаа.

Нийгэмд шударга ёсыг тогтоох нь УИХ, Засгийн газрын үндсэн чиглэл, ард иргэдийн итгэл найдвар, Та бүхний хүлээх үүрэг, даалгавар байх учиртай.

Нийгэмд шударга ёс тогтоох үндсэн суурь нь хүн бүр хууль, шүүхийн өмнө тэгш байж, хууль ёс хүн бүрд тэгш үйлчлэх явдал юм.

Төрд зүтгэж буй хэн боловч төгс сайн мэдлэггүй ч, төгөлдөр сайн ёс суртахуунтай байх ёстой.

Ард түмний төлөөлөл болсон Та бүхэн ёс зүйн дээд манлайллыг ямагт үзүүлж байх ёстой.

Ард иргэдийнхээ халуун итгэл, их хүлээлт дунд парламентын гишүүнээр сонгогдож буй Та бүхэн хүний ёсыг огоорон, ёс зүйн алдаа гаргаж, өргөсөн тангаргаасаа няцвал ард иргэдээсээ уучлалт гуйн, нэн даруй өөрийн хүсэлтээр чөлөөлөгдөх ёстойг анхааруулж байна.

“Төр төмбөгөр, ёс ёмбогор” гэж манай ард түмэн ярьдаг.

Төрийн сүлд, ард түмэндээ өргөсөн тангаргаа зөрчсөн хэн боловч ард түмний төлөөлөл болон энэхүү эрхэм хүндтэй танхимд суух учиргүй.

Иймд энэ удаагийн УИХ ёс зүй, сахилга хариуцлагыг дээдлэн сахиж, ард түмний сонголтыг хүндэтгэн, парламентын нэр хүндийг өндөрт өргөж, аливаа ашиг сонирхол, гэмт хэрэг, хэрэг зөрчлөөс ангид байж, сонгогч олныхоо итгэл найдварыг дааж, нэр төртэй ажиллахыг Төрийн тэргүүн онцгойлон сануулж байна.

Хууль хяналтын байгууллагын удирдлагууд ч хуульд захирагдан, бурууд нүд хурц байж, гэмгүй нэгнийг хэлмэгдүүлж болохгүй, гэмт хэрэгтэнд ял завшуулж болохгүй гэдгийг хатуу сануулан хэлье.

Та бүхэн өнөөдрөөс эхлэн ард түмний элчийн хувиар нийт иргэн, улсын ашиг сонирхол, Үндсэн хуульд захирагдан ажиллахаар эх орон, ард түмэндээ тангараг өргөж байна.

Монгол төрийн алтан соёмбот далбаанд тангараг өргөсөн энэ цаг мөчөөс эхлэн дараах зүйлсийг онцгой анхаарч, хүлцэн тэвчих учиртай.

Сонгуулийн үеийнх шиг намчирхан талцаж, хий хоосон улс төржиж, хийрхэлгүйгээр эвийг эрхэмлэн, зөвийг дэмжин, эвлэн нийлж эх орон, ард түмнийхээ төлөө итгэл дааж, сэтгэл гаргаж, хичээн зүтгэвэл зохилтой.

Иймд энэ удаагийн УИХ аливаа асуудлыг хэлэлцэн шийдвэрлэхдээ монгол төрийн бодлогын залгамж чанарыг сайтар хадгалан, ард түмнийхээ санал бодлыг сайтар судалж, шинжлэх ухаанчаар асуудалд ханддаг, хэлсэн үгэндээ эзэн болж, эв эе, эвлэрэл зохицлыг эрхэмлэн, бие биедээ хүндэтгэлтэй хандаж, уян хатан байж, уур уцаараар бус ухаан бодлоор асуудалд хандаж шийдвэр гаргаж байхыг онцгойлон анхаарах ёстой.

Энэ бол өргөн олон түмний сонголтоос урган гарч байгаа ард түмний зүй ёсны бодит шаардлага юм.

Эрхэм хүндэт төрийн түшээд ээ,

Сүүлийн жилүүдэд Монгол Улсын гадаад харилцаа, эдийн засгийн хамтын ажиллагаа өргөжин тэлж, өндөр, дээд түвшний харилцан айлчлалуудын давтамж нэмэгдэж, НҮБ-ын бүх гишүүн орон болох 192 улстай дипломат харилцаа тогтоож, Монгол Улсын нэр хүнд олон улсын тавцанд өсөн бэхжиж, байр сууриа улам бататгасан түүхэн онцлогтой он жилүүд байлаа.

Цаашид улс орны аюулгүй байдал, гадаад харилцааны асуудалд нэг бодлого, нэгдмэл байр суурьтай байх ёстой.

Аюулгүй байдал, гадаад харилцааг улс төржүүлж огт болохгүй.

Улсын аюулгүй байдал, гадаад бодлого гэж байхаас Улсын Их Хурлын гишүүний бие даасан гадаад бодлого гэж огт байхгүй гэдгийг сануулъя.

Монгол Улсын Ерөнхийлөгч үзэл санаа, үйл хэрэгтээ ямагт баримталж, цаг ямагт сэтгэлээ чилээдэг улс үндэстний оршин тогтнохуйн тулгуур гурван үнэт зүйл байдаг.

Энэ бол манай улсын тусгаар тогтнол, үндэсний аюулгүй байдал, манай ард түмний эв нэгдэл юм.

Эрхэм төрийн түшээд Та бүхэн ч бас энэхүү гурван үнэт зүйлийг төрийн үйл хэргийг шийдэхдээ ямагт санаж, эрхэмлэн дээдэлж, чандлан баримталж, нүдний цөцгий мэт хайрлан хамгаалах учиртай.

Монгол төрийн эрхэм түшээд Та бүхэн үндэсний язгуур эрх ашгийг дээдлэн сахиж, эзэн Чингис хааны билиг сургаалыг даган мөрдөж, ард түмнийхээ эв нэгдлийг сахин бататгаж, халуун зуураа эе эвээ хичээн, эх орныхоо хөгжил дэвшил, улс монголынхоо ирээдүйн сайн сайхны төлөө хичээн зүтгэх ёстой.

Бид нэг монгол, нэг гэр бүл, нэг ард түмэн гэдгээ гүнээ ухамсарлаж, хүсэл зорилго, үнэт зүйлээрээ нэгдэн нийлж, хотол түмнээрээ сэтгэлээ төвшитгөн, итгэлээ бэхэлж, эвээ зангидан, өөдрөг тэмүүлэл, өрнүүн зүтгэлээр эх орноо хамтдаа хөгжүүлцгээе.

Төр түвшин, шашин тунгалаг, дэлхий амгалан байх болтугай.

Мөнх тэнгэрийн хүчин дор Монгол Улс мандан бадрах болтугай” гэлээ.

Монгол Улсын Ерөнхийлөгчийн Тамгын газрын Хэвлэл мэдээллийн алба

УИХ-ын дарга Д.Амарбаясгалангийн Улсын Их Хурлын анхдугаар чуулганд хэлсэн үг
УИХ-ын дарга Д.Амарбаясгалангийн Улсын Их Хурлын анхдугаар чуулганд хэлсэн үг
 
Монгол Улсын Ерөнхийлөгч У.Хүрэлсүхэд БНЭУ-ын Гадаад хэргийн сайд бараалхав
Монгол Улсын Ерөнхийлөгч У.Хүрэлсүхэд БНЭУ-ын Гадаад хэргийн сайд бараалхав
Энэ мэдээ хуучирсан буюу 2024/07/02-нд нийтлэгдсэн мэдээ болно.

Шинэ мэдээ

Монгол Улсын Ерөнхийлөгч У.Хүрэлсүхэд БНЭУ-ын Гадаад хэргийн сайд бараалхав

Монгол Улсын Ерөнхийлөгч У.Хүрэлсүхэд БНЭУ-ын Гадаад хэргийн сайд бараалхав

Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсад төрийн айлчлал  хийхээр хүрэлцэн ирлээ

Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсад төрийн айлчлал хийхээр хүрэлцэн ирлээ

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

Холимог тулаанч Б.Энх-Оргил аваргын бүсний төлөө тулалдана

Холимог тулаанч Б.Энх-Оргил аваргын бүсний төлөө тулалдана

УИХ: Өнөөдөр хуралдах намын бүлэг, ажлын хэсгүүд

УИХ: Өнөөдөр хуралдах намын бүлэг, ажлын хэсгүүд

Энэ 7 хоногт Монгол Улсад

Энэ 7 хоногт Монгол Улсад

ӨНӨӨДӨР:  “Монголын хүний нөөцийн салбарын үндэсний зөвлөгөөн” болно

ӨНӨӨДӨР: “Монголын хүний нөөцийн салбарын үндэсний зөвлөгөөн” болно

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

Улаанбаатарт өдөртөө 3-5 хэм дулаан байна

Улаанбаатарт өдөртөө 3-5 хэм дулаан байна

Улсын онцгой комисс өнөөдөр хуралдав

Улсын онцгой комисс өнөөдөр хуралдав

Атал Бихари Важпайн нэрэмжит мэдээллийн технологи, холбоо, Аутсорсингийн төв 2025 онд ашиглалтад орно

Атал Бихари Важпайн нэрэмжит мэдээллийн технологи, холбоо, Аутсорсингийн төв 2025 онд ашиглалтад орно

Умард Солонгосын цэргийн парадын үеэр шинэ тив алгасагч баллистик пуужин танилцуулжээ

Умард Солонгосын цэргийн парадын үеэр шинэ тив алгасагч баллистик пуужин танилцуулжээ

Х.Нямбаатар: Туул голыг ихээр бохирдуулж буй 80 ААН хуулиа мөрдөж, урьдчилан цэвэрлэх байгууламж барих ёстой

Х.Нямбаатар: Туул голыг ихээр бохирдуулж буй 80 ААН хуулиа мөрдөж, урьдчилан цэвэрлэх байгууламж барих ёстой

ЦАГ АГААР: Улаанбаатарт өдөртөө 6 хэм дулаан байна

ЦАГ АГААР: Улаанбаатарт өдөртөө 6 хэм дулаан байна

Үс шинээр үргээлгэх буюу засуулахад тохиромжгүй

Үс шинээр үргээлгэх буюу засуулахад тохиромжгүй

Чөлөөт бөхийн мастерууд ДАШТ-ээс 3 мөнгө, 5 хүрэл медаль хүртжээ

Чөлөөт бөхийн мастерууд ДАШТ-ээс 3 мөнгө, 5 хүрэл медаль хүртжээ

Газын зурваст гал зогсоох хэлэлцээр хэрэгжиж эхэлжээ

Газын зурваст гал зогсоох хэлэлцээр хэрэгжиж эхэлжээ

Монгол Улсын анхны олон улсын стандарт батлагдлаа

Монгол Улсын анхны олон улсын стандарт батлагдлаа

Улаанбаатарт өдөртөө 9-11 хэм дулаан байна

Улаанбаатарт өдөртөө 9-11 хэм дулаан байна

Үс шинээр үргээлгэх буюу засуулахад тохиромжгүй

Үс шинээр үргээлгэх буюу засуулахад тохиромжгүй

Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсад төрийн айлчлал хийнэ

Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсад төрийн айлчлал хийнэ

Ирэх 10 хоногт цаг агаар ямар байх вэ

Ирэх 10 хоногт цаг агаар ямар байх вэ

“Нэтфликс”-ийн шоунд Монголын баг оролцоно

“Нэтфликс”-ийн шоунд Монголын баг оролцоно

Хөхний хорт хавдраар 2700 гаруй хүн өвджээ

Хөхний хорт хавдраар 2700 гаруй хүн өвджээ

“Airbus” нисэх онгоцны нийлүүлэлтээр “Boeing”-ийг ардаа орхижээ

“Airbus” нисэх онгоцны нийлүүлэлтээр “Boeing”-ийг ардаа орхижээ

Хууль бусаар хөдөлмөр эрхэлсэн 8 орны 260 иргэнийг албадан гаргалаа

Хууль бусаар хөдөлмөр эрхэлсэн 8 орны 260 иргэнийг албадан гаргалаа

Өнөөдөр: УИХ-ын ажлын хэсэг, байнгын хороо болон чуулганы нэгдсэн хуралдаанаар хэлэлцэгдэх асуудлууд

Өнөөдөр: УИХ-ын ажлын хэсэг, байнгын хороо болон чуулганы нэгдсэн хуралдаанаар хэлэлцэгдэх асуудлууд

ӨНӨӨДӨР: Сэтгүүл зүйн ёс зүйн форум болно

ӨНӨӨДӨР: Сэтгүүл зүйн ёс зүйн форум болно

Улаанбаатарт өдөртөө 11 хэм дулаан байна

Улаанбаатарт өдөртөө 11 хэм дулаан байна

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

У.Хүрэлсүх: Шүүгч та өнгөний сүр, мөнгөний сүүдэрт бөхийх ёсгүй

У.Хүрэлсүх: Шүүгч та өнгөний сүр, мөнгөний сүүдэрт бөхийх ёсгүй

Шатдауны улмаас Америкт олон нислэг хойшилжээ

Шатдауны улмаас Америкт олон нислэг хойшилжээ

Итали улс “Милано-Кортина 2026” өвлийн олимпын үеэр дэлхий даяар “гал” зогсоохыг уриалж байна

Итали улс “Милано-Кортина 2026” өвлийн олимпын үеэр дэлхий даяар “гал” зогсоохыг уриалж байна

Агаарын тээврээр зорчигчийн тоо өсжээ

Агаарын тээврээр зорчигчийн тоо өсжээ

“Гурван цагийн өнгө төрх” тусгай үзэсгэлэн хөшгөө нээлээ

“Гурван цагийн өнгө төрх” тусгай үзэсгэлэн хөшгөө нээлээ

Хог хаягдал, ойжуулалт, эрчим хүч, хөдөө аж ахуйн салбарт хөрөнгө оруулалт татах боломжтой

Хог хаягдал, ойжуулалт, эрчим хүч, хөдөө аж ахуйн салбарт хөрөнгө оруулалт татах боломжтой

НҮБ-ын энхийн сахиулагчдын тоог цөөлнө

НҮБ-ын энхийн сахиулагчдын тоог цөөлнө

АХБ: Өлсгөлөн ба таргалалтын аль аль нь бидний хүүхдүүдийг “отож” байна

АХБ: Өлсгөлөн ба таргалалтын аль аль нь бидний хүүхдүүдийг “отож” байна

“Хасын хүлэгүүд” Японы “Тоёота” корпорацын ивээн тэтгэдэг “Алварк” багийг хожлоо

“Хасын хүлэгүүд” Японы “Тоёота” корпорацын ивээн тэтгэдэг “Алварк” багийг хожлоо

Электрон тамхины зар сурталчилгаа нь өсвөр үе, хүүхдүүдийн хэрэглээнд их нөлөөлж байна

Электрон тамхины зар сурталчилгаа нь өсвөр үе, хүүхдүүдийн хэрэглээнд их нөлөөлж байна

“Эмээлт“ эко аж үйлдвэрийн паркийг зүүн, баруун гэсэн хоёр бүстэй байгуулна

“Эмээлт“ эко аж үйлдвэрийн паркийг зүүн, баруун гэсэн хоёр бүстэй байгуулна

ӨНӨӨДӨР: УИХ-ын чуулганы нэгдсэн хуралдаанаар

ӨНӨӨДӨР: УИХ-ын чуулганы нэгдсэн хуралдаанаар

ӨНӨӨДӨР: Нийт шүүгчийн III чуулган болно

ӨНӨӨДӨР: Нийт шүүгчийн III чуулган болно

Улаанбаатарт өдөртөө 13 хэм дулаан байна

Улаанбаатарт өдөртөө 13 хэм дулаан байна

Үс шинээр үргээлгэх буюу засуулахад тохиромжгүй

Үс шинээр үргээлгэх буюу засуулахад тохиромжгүй

С.Батсүх: МОНЦАМЭ агентлаг сонинуудыг, Элчингүүдийг, улсын архивыг гэрэл зургаар хангадаг байлаа

С.Батсүх: МОНЦАМЭ агентлаг сонинуудыг, Элчингүүдийг, улсын архивыг гэрэл зургаар хангадаг байлаа

Монгол Улс англи хэлний олимпиадын дэлхийн аваргатай боллоо

Монгол Улс англи хэлний олимпиадын дэлхийн аваргатай боллоо

Газын асуудлаарх хэлэлцээ нааштай явагдаж байна

Газын асуудлаарх хэлэлцээ нааштай явагдаж байна

Хүндийн өргөлтийн ДАШТ-ий үеэр олон дээд амжилт шинэчлэгджээ

Хүндийн өргөлтийн ДАШТ-ий үеэр олон дээд амжилт шинэчлэгджээ

Нийслэлийн 170 мянган өрхийг утаагүй, хагас коксон шахмал түлшээр хангана

Нийслэлийн 170 мянган өрхийг утаагүй, хагас коксон шахмал түлшээр хангана

Нүүрстэй холбогдох гэрээ хэлэлцээ, бусад баримт бичгийг ил болголоо

Нүүрстэй холбогдох гэрээ хэлэлцээ, бусад баримт бичгийг ил болголоо

Энхийг сахиулагчдад төрийн одон медаль гардууллаа

Энхийг сахиулагчдад төрийн одон медаль гардууллаа

УИХ: Өнөөдөр хуралдах байнгын ба түр хороод

УИХ: Өнөөдөр хуралдах байнгын ба түр хороод

ӨНӨӨДӨР: “Нөөцийн өрсөлдөөн: Стратегийн ашигт малтмал ба улс төр“ хэлэлцүүлэг болно

ӨНӨӨДӨР: “Нөөцийн өрсөлдөөн: Стратегийн ашигт малтмал ба улс төр“ хэлэлцүүлэг болно

Улаанбаатарт өдөртөө 11 хэм дулаан байна

Улаанбаатарт өдөртөө 11 хэм дулаан байна

Үс шинээр үргээлгэх буюу засуулахад тохиромжгүй

Үс шинээр үргээлгэх буюу засуулахад тохиромжгүй

Физикийн салбарын Нобелийн шагналтнууд тодорлоо

Физикийн салбарын Нобелийн шагналтнууд тодорлоо

Эмийн үнэ, эмийн сангийн байршлаа шууд хардаг боллоо

Эмийн үнэ, эмийн сангийн байршлаа шууд хардаг боллоо

Их Британид “BYD”-гийн борлуулалт 880 хувиар өсжээ

Их Британид “BYD”-гийн борлуулалт 880 хувиар өсжээ

Нийслэлийн есөн дүүргийн Засаг дарга нар 2026 оны бүтээн байгуулалт, хөрөнгө оруулалтын талаар хэлэлцлээ

Нийслэлийн есөн дүүргийн Засаг дарга нар 2026 оны бүтээн байгуулалт, хөрөнгө оруулалтын талаар хэлэлцлээ

Алтны үнэ дахин дээд үзүүлэлтэд хүрчээ

Алтны үнэ дахин дээд үзүүлэлтэд хүрчээ

Азийн залуучуудын наадамд өрсөлдөх тамирчдыг үдэн гаргах ёслол боллоо

Азийн залуучуудын наадамд өрсөлдөх тамирчдыг үдэн гаргах ёслол боллоо

Энэ сард олгох нийгмийн халамжийн тэтгэвэр, тэтгэмж, хөнгөлөлт, тусламжийн хуваарь

Энэ сард олгох нийгмийн халамжийн тэтгэвэр, тэтгэмж, хөнгөлөлт, тусламжийн хуваарь

Дүүжин замын тээвэр төслийн Яармаг дахь буудлын эргэлтийн зам төмрийг суурилууллаа

Дүүжин замын тээвэр төслийн Яармаг дахь буудлын эргэлтийн зам төмрийг суурилууллаа

“Хасын Хүлэгүүд” багийнхан Японыг зорилоо

“Хасын Хүлэгүүд” багийнхан Японыг зорилоо

Их аварга Хакүхо М.Даваажаргал болон холимог тулааны спортын төлөөлөгчид Олимпик хауст зочиллоо

Их аварга Хакүхо М.Даваажаргал болон холимог тулааны спортын төлөөлөгчид Олимпик хауст зочиллоо

Ус ашигласны бүртгэлийг бүрэн цахимжуулсан байна

Ус ашигласны бүртгэлийг бүрэн цахимжуулсан байна

Газын зурваст дайныг зогсоох асуудлаарх хэлэлцээ эхэлжээ

Газын зурваст дайныг зогсоох асуудлаарх хэлэлцээ эхэлжээ

ӨНӨӨДӨР: Эмийн үнийг ил тод мэдээлэх системийг Эрүүл мэндийн яамнаас танилцуулна

ӨНӨӨДӨР: Эмийн үнийг ил тод мэдээлэх системийг Эрүүл мэндийн яамнаас танилцуулна

УИХ: Өнөөдөр хуралдах байнгын хороод

УИХ: Өнөөдөр хуралдах байнгын хороод

УИХ: Өнөөдөр хуралдах ажлын хэсгүүд

УИХ: Өнөөдөр хуралдах ажлын хэсгүүд

Анагаах ухааны салбарын Нобелийн шагналтнууд тодорлоо

Анагаах ухааны салбарын Нобелийн шагналтнууд тодорлоо

Улаанбаатарт өдөртөө 5 хэм дулаан байна

Улаанбаатарт өдөртөө 5 хэм дулаан байна

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

Нобелийн долоо хоног эхэллээ

Нобелийн долоо хоног эхэллээ

Францын шинэ Ерөнхий сайд огцорчээ

Францын шинэ Ерөнхий сайд огцорчээ

БГД-ийн 20-р хороонд 3621 ам.метр газарт Гурвалжингийн гүүр орчимд байсан том оврын машин техникийг нүүлгэн шилжүүлнэ

БГД-ийн 20-р хороонд 3621 ам.метр газарт Гурвалжингийн гүүр орчимд байсан том оврын машин техникийг нүүлгэн шилжүүлнэ

Нийслэлийн ДНБ-ий хэмжээ 55.8 их наяд төгрөгт хүрч, Монгол Улсын ДНБ-ий 70 хувийг бүрдүүлж байна

Нийслэлийн ДНБ-ий хэмжээ 55.8 их наяд төгрөгт хүрч, Монгол Улсын ДНБ-ий 70 хувийг бүрдүүлж байна

Японы хувьцаануудын ханш түүхэн дээд үзүүлэлтэд хүрчээ

Японы хувьцаануудын ханш түүхэн дээд үзүүлэлтэд хүрчээ

ОПЕК+ бүлгийн орнууд олборлолтоо нэмэгдүүлэхээр тохиролцжээ

ОПЕК+ бүлгийн орнууд олборлолтоо нэмэгдүүлэхээр тохиролцжээ

Сайжруулсан хатуу түлшний стандартыг шинэчлэн батлууллаа

Сайжруулсан хатуу түлшний стандартыг шинэчлэн батлууллаа

И-Монголиа системээс лавлагаа, тодорхойлолтыг 5 хэлээр авах боломжтой боллоо

И-Монголиа системээс лавлагаа, тодорхойлолтыг 5 хэлээр авах боломжтой боллоо

Өнөөдөр: Хагас коксон түлшийг өнөөдрөөс худалдаалахтай холбогдуулан мэдээлэл хийнэ

Өнөөдөр: Хагас коксон түлшийг өнөөдрөөс худалдаалахтай холбогдуулан мэдээлэл хийнэ

Энэ 7 хоногт Монгол Улсад

Энэ 7 хоногт Монгол Улсад

УИХ: Өнөөдөр хуралдах намын бүлэг, ажлын хэсгүүд

УИХ: Өнөөдөр хуралдах намын бүлэг, ажлын хэсгүүд

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

Улаанбаатарт өдөртөө сэрүүсэж 7-9 хэм дулаан байна

Улаанбаатарт өдөртөө сэрүүсэж 7-9 хэм дулаан байна

Такаичи Санаэ Японы эрх баригч намын даргаар сонгогдов

Такаичи Санаэ Японы эрх баригч намын даргаар сонгогдов

Цаг агаарын аюултай үзэгдлээс сэрэмжлүүлж байна!

Цаг агаарын аюултай үзэгдлээс сэрэмжлүүлж байна!

Үс шинээр үргээлгэх буюу засуулахад тохиромжтой

Үс шинээр үргээлгэх буюу засуулахад тохиромжтой

Улаанбаатар өдөртөө 12-14 хэм дулаан байна

Улаанбаатар өдөртөө 12-14 хэм дулаан байна

Үс шинээр үргээлгэх буюу засуулахад тохиромжгүй

Үс шинээр үргээлгэх буюу засуулахад тохиромжгүй

“Баянхошуу цэцэрлэгт хүрээлэн“-г ирэх сард ашиглалтад оруулна

“Баянхошуу цэцэрлэгт хүрээлэн“-г ирэх сард ашиглалтад оруулна

Хөлбөмбөгийн ДАШТ-ий албан ёсны бөмбөгийг танилцуулжээ

Хөлбөмбөгийн ДАШТ-ий албан ёсны бөмбөгийг танилцуулжээ

“OpenAI” дэлхийн хамгийн үнэ цэнтэй гарааны компани болжээ

“OpenAI” дэлхийн хамгийн үнэ цэнтэй гарааны компани болжээ

Монголын баг тамирчид Испанийн Kelme брэндийн спортын хувцас өмсөнө

Монголын баг тамирчид Испанийн Kelme брэндийн спортын хувцас өмсөнө

Итгэхийн өмнө шалга...

Итгэхийн өмнө шалга...

Хүний арьсны ДНХ-ээс анх удаа үр хөврөл бий болгожээ

Хүний арьсны ДНХ-ээс анх удаа үр хөврөл бий болгожээ

ӨНӨӨДӨР: “Шилмэл мал-2025” үзэсгэлэн, дуудлага худалдаа нээлтээ хийнэ

ӨНӨӨДӨР: “Шилмэл мал-2025” үзэсгэлэн, дуудлага худалдаа нээлтээ хийнэ

ӨНӨӨДӨР: УИХ-ын чуулганы нэгдсэн хуралдаанаар

ӨНӨӨДӨР: УИХ-ын чуулганы нэгдсэн хуралдаанаар