“Эмми” наадмын шилдгүүд тодорлоо

ЛОС-АНЖЕЛЕС, 2024 оны есдүгээр сарын 16 /AP/. Телевизийн салбарын шилдэг шоу, уран бүтээлүүдийг шалгаруулдаг “Эмми” наадмын 76 дахь удаагийн шагнал гардуулах ёслол АНУ-ын Лос-Анжелес хотын “Пикок” театрт орон нутгийн цагаар ням гаргийн орой амжилттай болж өндөрлөлөө.

Энэ сарын эхээр болсон “Creative Arts Emmy Awards” наадмаас 14 шагнал хүртсэн Японы түүхэн цуврал болох “Shogun” нийт 18 шагнал хүртсэнээр нэг улирлын дээд амжилтыг тогтоожээ. Тус цуврал нь “Шилдэг драмын цуврал” төрөлд тэргүүлснээс гадна Хироюки Санада, Анна Савай нар өөрсдийн бүтээсэн дүрээрээ “Эмми”-гийн цомыг өргөжээ.

Харин “Шилдэг инээдмийн цуврал” төрөлд “Hacks” цуврал шалгарсан бол “Baby Reindeer”, “The Bear” цувралууд тус тус дөрвөн шагнал хүртлээ. Наадмын эхний шагналууд болох шилдэг гол ба туслах дүрүүдийн шагналыг Эбон Мосс-Бакрак, Жереми Аллен Уайт, Лиза Колон-Зайас нар хүртсэн бөгөөд тэд бүгд “The Bear” инээдмийн цувралд тоглосон юм.

Хамтран зүтгэгчдэдээ “Эмми”-гийн шагналыг гардуулан өгсөн олны танил эрхмүүдийн дунд Билли Кристал, Виола Дэвис, Селена Гомез, Стив Мартин, Майя Рудольф, Мартин Шин нар байлаа. Ингээд энэ удаагийн “Эмми” наадмын шилдгүүдийг танилцуулъя:

Шилдэг драмын цуврал

“Shōgun”